Sica何洛瑤自爆ERROR保錡幫自己諗橋 向ViuTV高層「sell橋」自薦出歌
一直默默保持歌手夢
Sica自從2年前參加《全民造星IV》之後，憑着騎呢搞笑本色受到網民的喜愛，不過比賽完結至今都是以主持工作為主，令不少人已經忘記她站在舞台上唱歌跳舞的樣子。她在節目中坦言自己這一年一直私底下都有創作，又有學唱歌，希望能夠有朝一日成為一名歌手，直到去年12月，終於下定決心向公司自薦出歌。
準備充足向公司自薦
她笑言自己將做簡報一樣，開着投影器站在ViuTV高層許家媛（Karen）和金廣誠面前present：「我就開始寫份proposal（建議書），因為我寫咗3首歌，就去咗Karen（許家媛）同金生（金廣誠）間房，著住西裝好似sell橋咁樣！我仲有晒方向，話出年嘅目標就係叱咤攞金獎！」她又笑稱，自己不斷被兩人「ban橋」感到極大壓力！
極感激保錡
主持謝茜嘉問她，sell橋是否有人教？Sica即表示：「sell橋呢個動作係保錡教我！」Woody笑言：「可能保錡當年都係咁樣sell橋！」Sica還表示非常之感激保錡，因為對方是她能夠出歌的一大恩人：「因為金生同Karen話，我未sell佢哋之前已經想我出歌，因為我之前喺ERROR個表演，我做保錡嘉賓，金生話：『其實你唱歌真係唔係好好聽，但係見到你好有心……』佢哋仲刻意刁難我，因為知我有得出歌，所以想測試下我係唔係真係咁想出道！」
發現只做ViuTV藝人並不足夠
Sica坦言中學時期經常參加歌唱比賽，亦玩很多樂器，例如結他、琴、鼓等等，但因為自己比較雞仔聲，所以一直都質疑自己沒有成為歌手的才能，但都有一直與朋友玩樂隊。至於何時開始寫歌，她稱是入行之後：「我知道淨係做一個藝人喺ViuTV係唔足夠，嚟緊好想有自己嘅作品，所以完咗《造星》就開始練習聽多啲、寫多啲。」
粉絲改圖齊賀Sica出新歌
得知Sica終於有SOLO歌推出，大批網民在其IG洗版式留言祝賀，又用Sica新歌的宣傳照二次創作瘋狂改圖，宣傳力爆燈！
剪短髮去旅行
自出道起就以長直黑髮示人的Sica，早前突然剪成一頭爽朗的短髮，並出走台灣周圍玩。她在Instagram分享旅行時的照片，素顏上陣的她與平時鏡頭前的濃妝模樣非常不同。
限時動態大崩壞
不過，Sica在其中一個IG限時動態卻突然「崩壞」，額頭出現多條皺紋，再加上滿頭亂髮，被網民恥笑猶如老了20歲，並質疑她平時P太多圖，與真人太大分別：「話40歲都信」、「本身就係咁嘅樣」、「不嬲化到成面粉都係好樣衰」、「素顏即死」、「短髮真係好蝦人」、「搞唔掂」。
《心急人上》淘汰大熱Jackie
Sica於《全民造星IV》的96強舞台中，以日系風格演唱《心急人上》得到2盞燈，令本來已經小有名氣的KOL劉展翹Jackie跌入淘汰區，不過當時Sica未能夠太得到導師們的歡心，要評判點名將她送去梁祖堯的組別。
被封「執生王」
Sica去到爭奪30強賽事時，與B4組其餘3位成員林暐翹、東東（郭東彩）及Liu哥（廖雪蕎）一同穿上高跟鞋性感跳唱《Come on, Bad Boy》，誰知Sica一開始就突然仆落樓梯跌倒地上，不過她隨即執生成功，跌倒後繼續若無其事擺甫士演出，成功搶分，連在後台的花姐也多次大讚她：「叻女！」
《造星IV》後甚少演出機會
Sica參加完《造星IV》後，成為Makerville的旗下藝人，工作主要以主持為主，包括《Chill Club推介》、《MM730－男女自然觀察學會》及《日本，你真識食？》等等，間中都有拍劇集，不過都只是小角色。她曾經在節目中透露自己的目標一直都是成為一名歌手，亦表示有嘗試作曲。她曾經在其主持的《男女自然觀察學會》中，與P1X3L成員Marco一同入錄音室翻唱Jay Fung馮允謙的《報復式浪漫》，得到外界不少人的稱讚。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
