金句Seasun「有樓有高潮」近照被指變曬樣 下巴由90度角驚變⋯⋯

發福近照被指變曬樣

可能是因為現時已經唔做幕前嘅原因，鄧湤鉮對於身型管理似乎多放寬咗唔少，近照可見佢圓潤咗好多，就連當年嘅招牌尖下巴都唔見埋！跌watt相更引起網民關注：「下巴由90度角變了120度角」、「話佢29歲都冇人信……」、「幾時有高watt數過」、「所謂嘅『全盛時期』個樣都係搞不X掂」。

《有樓萬事足》港女Seasun爆拜金金句：無樓唔好白撞

無綫編導岑應製作的真人騷《沒女大作戰》、《盛女愛作戰》、《沒有起跑線？》等，往往能成功掀起全城話題。岑應近排又有新搞作，下週一(2月20日) 將會播放新電視節目《 有樓萬事足 》，節目共有5集，邀得一班不同背景、不同心態的港男港女如何在樓價高企的年代，用盡方法置業。當中除了張秀文、吳業坤等藝人外，還包括素人Seasun和Inky。節目還未出街，港女Seasun已爆出不少金句和驚爆言論，看來又要引起一番爭議！

節目第一集，港女Seasun憑言論「有樓有高潮」和「無樓嘅話唔好白撞」成功「呃嬲」，瞬間成為網民討論的對象，被稱為「拜金港女」。

Seasun在節目中表示擇偶條件是先要有樓：「咁追我緊喺要有誠意㗎啦，誠意喺啲咩？諗唔到有啲咩喺好過以買樓嚟表達愛。」這位妙齡少女更是十分有大志，表示男人要有2000呎屋先喺基本：「唔太大唔太細嘅話，2000呎都差唔多呀，如果無樓就唔好白撞啦。」仲表示如果有人送樓追佢，佢會毫不猶豫收下，至於會唔會答應對方的追求，她卻說不定：「有時你表達咗誠意，付出左努力，都唔代表有必然嘅結果㗎嘛。」

其後在記者會中，司儀提到她在節目中的露骨金句「有樓就有高潮」，她則笑笑口解釋：「有個安穩嘅地方，容易啲有高潮。」畢即被司儀窒：「你返教會㗎喎！」Seasun即反駁：「咁呢啲係身體嘅需要啫。」事後問過Seasun，她更直接否認自己是基督徒。

對於Seasun年紀輕輕已經眼角咁高，相信大家也好奇她的來頭。現年22歲的Seasun原名Givanna Tang，中文名鄧寶怡，現職珠寶公關，已有5年相關經驗。閒時會為珠寶公司做模特兒。早前她有接受過金融網站訪問，表示自己最愛打拳，又鐘意心靈活動所以迷上風水玄學。

此外Seasun在2013年曾多次參加選美比賽，其中參加了《國際旅遊小姐》競選。認識了當時已經77歲的贊助商趙世曾，當年19歲的Seasun獲趙世曾賞識，成為其公司的公關，更極速搬去超級豪宅趙苑與趙世曾同居。難怪Seasun坦言有意追求他的男士，屋企要起碼有2000呎先行動啦！

對於網上一面倒的負評，Seasun卻完全唔介意，更好proud of自己是港女：「香港女仔係唔錯㗎，大家不妨認識吓。」

至於節目中另一位素人Inky則完全相反，32的她現職市場推廣經理，表示不介意另一半無樓。因為她從少到大慳家並兼職，早前她靠自己成功購入小單位，現在的她只求真愛。各位男士會加分嗎？

除了素人，節目都有藝人分享對置業的看法。吳業坤和張秀文也慨嘆現時買樓太貴，做藝人要買樓同打工仔一樣難，根本難以置業。

其中28歲的張秀文，本身公屋出身，無樓在手，現時以一萬元租兩房單位：「樓價年年升，可能交咗30年租都仲未成為業主。」聽到也有點心酸呢！而孝順仔坤哥則表示從小已想買樓給媽咪，希望努力工作可買個安樂窩。但始終現時樓市太瘋狂，因此再過幾年才考慮入市。