選角｜Santis告別熊仔頭改新名現身ViuTV真人騷 海選演技大爆發網民勁Like

《選角》Santis 海選扮大叔演技大爆發

《選角》被譽為ViuTV「演技版造星」，將於11月11日（星期一）開播，其中頭3位最多Like數的參賽者，就可以率先讓網民睇到他們的絕密海選片段，這3位分別是Santis、暐翹同鍾尚旻。

在Santis的海選片段中，可以見到她淡妝上陣，扮成粗魯大叔「吹雞」同人隻揪，和她斯文的外表反差勁大，引到主持謝君豪同陳湛文哈哈大笑，之後她又表演了一場喊戲，一路講對白一路含住一泡眼淚，獲網民大讚「無包袱」、「喊戲有feel」、「靚得來自然」、「估唔到你行搞笑路線」等。

Santis曬深長「事業線」惹「升球」疑雲

自從同熊仔頭解約回復自由身後，Santis就開設個人YouTube頻道及在個人IG密密接Job，實行自力更生。雖然離開「熊仔頭」頻道後人氣大不如前，但Santis樣子標緻仍深得廣告商青睞。Santis亦非常識做，除咗keep住分享自己靚相保人氣外，近日一輯相更設有「限量優惠」，事關Santis新相不但撞樣15歲《星夢》Yumi（鍾柔美），還大解放曬深長「事業線」，向粉絲大派福利，但就惹起「升球」疑雲！

Santis撞樣Yumi派福利 網民：條線發生咩事？

今年24歲嘅Santis（陳濬樺）自2021年初自薦加入YouTube平台「熊仔頭」後，隨即憑藉清純仙氣外表一鳴驚人，成功竄紅，IG粉絲量激增10幾萬。而向來走氣質路線嘅Santis近日係IG上分享嘅一輯新相中竟然大曬深長事業線，十分火辣。相中Santis妝容精緻，笑容甜美，身著一條淡綠色吊帶長裙配米白色披肩，頗具仙氣。但睇真啲竟然意外地同《星夢傳奇》嘅Yumi（鍾柔美）有幾分相似，兩姐妹一樣。

不過最吸引人係相中Santis大方曬出傲人好身材，「事業線」非常深遠，令一眾網民驚覺原來Santis亦屬於有料之人，真係禾稈冚珍珠！相片一出隨即吸引超過7000人讚好，部份網民更忍唔住以心心眼emoji留言。但亦有網民留言「條呢線發生咩事？」似乎驚訝Santis忽然擁有好身材，懷疑Santis「靜靜雞」再發育。其實翻看Santis以往嘅相片，樣子依然仙氣，但身材瘦削，略顯骨感，上圍並未如今咁亮眼。

Santis 人氣下滑 派福利搶Fo？

Santis離開「熊仔頭」後，隨即就發展個人Youtube Channel，亦不停作新嘗試，希望吸引新粉絲和保住人氣，但似乎除了同MC（張天賦）嘅緋聞及認曾同熊仔頭拍拖外，就欠缺話題及趣味性。加上御任「熊女郎」後Santis密密接廣告，其個人IG已經儼如廣告營業帳號，近9成圖文均為廣告。未知係米上述等多番原因影響下，Santis嘅人氣明顯下滑，個人IG嘅post讚好量亦倍速下降。唯獨部份吸睛嘅福利圖仍能收穫大量讚好。而似乎己經捉到「流量密碼」嘅Santis今次大方曬事業線，雖然扺死地放係post嘅第二張圖，但己經吸引大量粉絲讚好。