Santis突然認曾戀熊仔頭默認曾訂婚？ 自爆最愛行超市 欲投向MC懷抱？

Santis以緋聞為題去吸點擊

Santis被公告解約後，曾以文字回應人妻傳聞，指自己從未結婚所以未曾離婚，與MC張天賦僅工作及普通朋友關係，圖為緋聞降溫﹗近日她以「我跟＿ ＿有一起嗎？」為題，指之前文字回應過簡，不夠詳盡而且令人有「冷冰冰」的感覺，所以特意拍片親自回應﹗

Santis：「解約與緋聞無關」

Santis一開始解釋解約是她個人意願，強調「與緋聞完全無關」，因為有感之前在舊公司拍的片段，翻看時發現自己表現水平未達標，所以想先作個人發展，增加個人經歷，希望能在演藝有長遠發展，並強調和平解約﹗

Santis親解拍MC《反對無效》MV私下加錫戲

Santis親自解釋拍攝《反對無效》MV時，在毫無預告下突如其來錫了MC張天賦一啖，她解釋：「根據當時導演嘅指示我係一個好迷戀好愛男主角嘅，嗰時覺得係導演想要嘅嘢，身為演員呢，roll機時要投入角色，cut機時要識抽離個角色﹗導演有將呢一幕放喺MV度，即係我做到導演期望嘅畫面啦﹗」

「2021年6月同熊仔頭拍拖，目前已經分開咗…」

回應網民「有冇派帽？」Santis話冇，然後回應網民問「有冇同熊仔頭一齊？」Santis就答：「有嘅，係2021年6 月一齊，目前已經分開咗喇﹗我哋分開原因相處上有衝突，大家都有提出過分手﹗」她又解畫為何同MC拍MV時自稱單身：「因為我嗰時真係單身，另外我冇過分揣測佢係有啲咩意思﹗嗰時以工作為前題，冇諗其他嘢﹗」

Santis 唔澄清結婚真相 默認已訂婚？

Santis 重提：「點解傳我結婚當時冇澄清呢？係因為當時以一個好認真態度去面對關係，抱一個好長遠嘅目標，所以當時想保護好呢段關係，唔想有太多言論，所以冇特別去交代我哋嘅關係﹗」但就無否認被求婚及訂婚的消息﹗

Santis認最愛行超市 向MC張天賦放話？

有網民問「鍾唔鍾意行超市？」Santis笑晒口：「坦白講，我好鍾意行超市，特別係一啲好大型超市，有好多好創新嘅嘢，好似之前我見到自家種薄荷葉，我覺得好新奇，所以鍾意去超市發掘一啲新嘢，當係其中一個shopping嘅必去點，所以好多時我會自己一個去行超市﹗」

網民質疑Santis突然自爆，件事唔簡單…

重溫Santis玩你問我答 文字回應與MC張天賦及熊仔頭關係

前「熊仔頭」FHProduction旗下藝人Santis Chan一直被傳與「熊仔頭」已經秘密結婚，早前又被爆與MC張天賦行超市私會。在沒有解釋過任何關係之下，「熊仔頭」的FHProduction頻道於2月10日凌晨發出聲明，表示與旗下藝人Santis Chan正式解約，及後Santis Chan玩「你問我答」以文字回應自己與兩男的關係。

虎年前已經解約

FHProduction於聲明提及雙方已在農曆年前（1月27日）解除合約，但Santis並未有同步於個人IG上載解約聲明，有傳Santis與YouTuber「熊仔頭」前年已經秘婚，上月初緋聞傳出後，FHProduction旗下的網站已飽受網民留言「慰問」，今次作出聲明，雙方關係終於有個了斷：

Santis發《解約聲明》

在FHProduction發聲明之後，Santis亦於同日嘅早上發出《解約聲明》，與「熊仔頭」口徑一致。及後Santis更在IG開「你問我答」解答網民疑問。當中包括她與熊仔頭的關係，以及與MC的關係等等。Santis表示結婚消息一直都只是傳聞，重申並無結婚，而對於MC亦落晒閘，稱與對方只屬幕前同事以及朋友關係。

Santis擔任《反對無效》MV女主角

張天賦（MC）於上月被爆與《全民造星4》Ash在平安夜行超市，新聞發酵多天，再有網民爆張天賦與Ash逛超市後3天在同一超市出現，但身旁並非Ash而是《反對無效》MV女主角Santis，而張天賦今次未有回應緋聞，但原來他早前接受陳志雲訪問時，直認想追Santis，一提對方冧到紅到面晒！

MC一聽Santis紅都面晒

張天賦半年前接受陳志雲網上節目《Stephen傾》訪問時，大談擇偶條件，指理想另一半條件包括長髮、大眼、嬌小，另一半絕不能高過168.5cm的張天賦，平頭都唔可以，唔好戴眼鏡等﹗其後談到拍攝《反對無效》MV時 ，陳志雲追問與MV女主角（Santis）的事，張天賦一提對方竟然面紅耳熱，一臉尷尬﹗

張天賦認鍾意Santis：我對佢有興趣

張天賦被陳志雲追問是否鍾意MV女主角（Santis）的類型，張天賦怕怕醜答：「都幾鍾意﹗」直認對對方有興趣，陳志雲追問想唔想追求對方？張天賦答：「少少想啦，（開始追未？）未，係咪算未呢？未追嘅，認識緊嘅。（想唔想追到？）要睇對方點？」張天賦透露由於拍攝MV時有親密動作，故有問Santis有冇男朋友，而當時對方答沒有男朋友，張天賦指如果對方冇男朋友，他拍攝時便不用太多顧慮﹗

張天賦爆Santis臨時加吻戲

張天賦指拍MV時好尷尬令他耳仔紅，又爆Santis臨時加戲：「佢突然錫咗我一啖，冇事先話我知，太突如其來﹗應該唔係導演要求加嘅﹗」陳志雲又問何時正式約會對方？張天賦就答大家工作都好忙：「佢再試吓再忙多陣，就會《反對無效》。」明顯想去馬追求﹗

張天賦約完Ash再約Santis行超市

5月時張天賦和Santis拍攝《反對無效》MV，有指是MC親自欽點選角﹗原來拍完MV後半年仍保持聯絡﹗近日張天賦被爆與Santis在去年12月27日逛超市﹗雖然相片中只見到女方背面，但網民從女方背面、頭髮長度、手袋及衣著打扮，逐一找出都跟Santis相同，更有網民到Santis留言：「我返Aeon兼職，平安夜當晚見到MC同Ash嚟買餸，好多同事都認到，27號我又見到MC，不過佢隔離個女仔不是Ash了，有人話好似係Santis你？？」

Santis前年盛傳秘婚「熊仔頭」

現年22歲的Santis（陳濬樺）在香港大學修讀創意產業課程，樣子標青有有港大楊恭如之稱，去年參與「態仔頭」《第三者故事》招募演員而在網上人氣急升，最後被選用為女主角，同時加入成為「熊仔頭」成員之一﹗去年網紅「熊仔頭」上載與女方家中相似的餸菜，女方被發現無名指戴上戒指，傳出緋聞後更傳有傳已秘婚，張天賦被網民與人妻特別有緣﹗