Now女記者-2.4度登大帽山引網民憐惜 TVB記者同樣上山竟惹質疑
廣告
Now新聞日前派出女記者陳樂陶登上大帽山,現場報導嚴寒天氣,當日市區氣溫跌至6度左右,大帽山更一度只得-2.4度,睇見女記者凍到頭髮結冰,連鼻哥都紅晒,網民都紛紛戥佢陰功,仲大讚佢好勇敢!
Now新聞女記者陳樂陶 被凍到頭髮都結冰
Now新聞日前派出記者陳樂陶到大帽山感受嚴寒天氣,當日早上7時半,現場氣溫只得零度左右,陳樂陶表示已在山上逗留了超過兩小時,即使她身上穿著羽絨褸、戴住頸巾同手襪,仍然覺得凍,她在報道中說:
「大帽山有幾凍,睇我頭髮就知,我哋企喺度大約兩小時,頭髮已經結冰,所以大家都係聽消防處呼籲,千祈唔好登山。」
網民大讚陳樂陶勇敢:睇見都覺得凍
網民睇完陳樂陶實測大帽山嚴寒天氣的報道,紛紛表示:「搵食艱難」、「記者很勇敢,Support her」、「睇新聞見到呢個女記者,真係覺得佢好陰功」、「睇見都覺得凍」、「凍到變雪條」、「我見猶憐」等等。
![Now 女記者 陳樂陶展示結冰的外套同頭髮。](https://imgs.orientalsunday.hk/wp-content/uploads/2024/01/07_153980935565b094792665b.jpg)
TVB派高級記者梁永祥到大帽山採訪
而TVB則派出高級記者梁永祥到大帽山採訪,雖然係男記者,不過他「單薄」的衣著亦引起網民關注,畫面所見,他冇戴帽亦冇著羽絨褸,只穿著一件絨褸,以及戴上頸巾和手套,而其頭髮亦出現了結冰的現象。
![Now 女記者 未有戴帽的梁永祥表示頭髮結咗冰。](https://imgs.orientalsunday.hk/wp-content/uploads/2024/01/13_111347934365b096a0e2fc2.jpg)
網民質疑梁永祥貪靚著絨褸
網民對梁永祥登大帽山議論紛紛:「-2.2度貪靚著絨褸?」、「帽都唔戴」、「陰功豬,凍到眼鏡都戴唔到」、「連眼鏡都除埋,唔通驚起霧?」、「慘過做財經」、「畀人整蠱?」等,亦有網民大讚其表現好專業。
![Now 女記者 前明珠台主播鄧詩穎在IG動態中表揚老公及攝影師報道嚴寒天氣的辛勞,又放閃指老公所戴的手套正是她所送。](https://imgs.orientalsunday.hk/wp-content/uploads/2024/01/01a_125941666165b095622f5f0.jpg)
梁永祥由財經記者轉型跑港聞
梁永祥由2017年入職TVB,由財經記者做到主播,2022年4月曾過檔有線,成為助理編輯及採訪主任(地產),有份主持節目《每日樓市》,到去年11月其擔任明珠台主播的太太鄧詩穎離巢TVB,不久後梁永祥就重返TVB,擔任港聞組高級記者。
![Now 女記者 新聞女王 鄧詩穎與老公梁永祥在TVB相識相戀。](https://imgs.orientalsunday.hk/wp-content/uploads/2023/11/sharontangsw_1664690674_2939960919590746905_1974430093_1023775426655f299a8858a.jpg)
《東張》派男主持黃耀英上山訪問蓮姐
此外TVB節目《東張西望》在氣溫回升到7.4度後,亦有派男主持黃耀英上到大帽山進行採訪,畫面所見他穿著絨褸、頸巾加冷帽,仍表示因為有微雨的關係,令他凍到騰騰震。
![Now 女記者 黃耀英上大帽山採訪茶水亭蓮姐,蓮姐表示著咗五件衫、兩件褸,已足夠溫暖。](https://imgs.orientalsunday.hk/wp-content/uploads/2024/01/12_57093708665b095e85a92e.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!