MIRROR演唱會2024︱Frankie疑似甩褲片流出 超專業表現連執生都淡定過人！
廣告
MIRROR一連16場的巡迴演唱會《MIRROR FEEL THE PASSION CONCERT TOUR 2024》，首站在香港開鑼，並於1月15日假亞洲國際博覽館正式展開。今次演唱會鏡仔們都落足苦工，努力為大家帶來精彩的演出。不過原來去到第6場時，成員Frankie（皮皮）就被影到疑似跳到甩褲，仲俾fans全程影到，大讚皮皮超識執生！
FrankieSolo甩褲？ 勁鎮定執生力強
MIRROR今次演唱會有各成員Solo環節，Frankie都唔例外，可以Solo 2024 年首支個人單曲。有網民就翻出有位Frankie Fans 喺IG po出Frankie第6場 《皮思苦》的Solo影片，片段中Frankie唱唱吓突然全程用手揞住個肚的位置疑似甩褲，未知發生咩事，而當Frankie轉身時發現似乎係甩咗褲上的腰封，而腰封連住個Headset。Frankie一直保持鎮定繼續表演，去到跳舞時Dancer先幫忙整理，整個流程非常流暢。
粉絲勁讚根本無為意甩咗 封「執生之鬼」
Fans個個大讚執生力強，根本無為意原來甩咗，又讚Dancer都好正：「皮皮好淡定，專業繼續唱，Dancer哥哥都好專業，幫手解決皮皮遇到舞台問題，真係好感謝。其次，亦可以見到皮皮同dancer們合作無間」、「原來個腰封係連住個head set，所以唔可以唔要個腰封」、「腰封鬆左真係好驚險，皮皮好專業，繼續演出」、「可能因為處變不驚，表現個人魅力，所以特別覺得呢次表現好好，唱得特別好聽！」、「完全唔知佢甩腰封，雖然覺得佢按住腰間有點怪」、「執生之鬼」、「幫佢整返條褲嗰個dancer幾可愛」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：IG＠frankie729、IG＠c.hingpeipo_、[email protected]
