張天賦進軍電影界夥拍姜濤緋聞女友黃曦誼 面對「MC魔咒」竟然係好事？

MC張天賦唔肯定有冇親熱戲

MC張天賦處男下海拍電影，聯同凌文龍及新人黃曦誼（Candy）在電影《夜校》的開鏡儀式中接受傳媒訪問，對於已開了4日工，MC話心情好開心，他在戲中跟凌文龍是好兄弟，與Candy黃曦誼亦有感情線，不過就唔肯定有冇親熱鏡頭，話要賣個關子。

MC張天賦做回自己唔會避忌

出道以來甚為惹緋聞的MC，今次對手是與姜濤曾傳過緋聞的Candy，他表示完全唔怕傳緋聞，仲話有都唔緊要，有緋聞都係好事，因為他已經習慣和看開了，MC還自嘲現在的身份邊度都去唔到，因為怕好像之前一樣與Ash行超市被報道。不過MC直言唔會避忌，別人要講的話，點避都避唔到，所以都係做回自己。至於以學生Look上陣的Candy則表示今次與MC合作是工作需要，擔心不來。

姜濤力撐緋聞女友：不希望身邊的人受攻擊

去年姜濤傳出緋聞，對象是20歲、有份主演ViuTV台慶劇《YOLO的練習曲》的Candy Wong 黃曦誼，而傳出緋聞的原因係兩人同樣在去年情人節前夕各自post過一張中環街景照，疑似同遊中環，而女方原來之前同Mirror另一成員Ian（陳卓賢）亦傳過緋聞！之後姜濤貼出二人頭貼頭合照，力撐Candy沒有做錯，更指不希望有人攻擊她。Candy亦有於IG上載二人合照，表示感謝大佬姜！

「一直被誤會
一直被攻擊

我知道這一行免不了這些
但
至少不希望身邊的人因為我
而遭受到這種誤解和攻擊

這個小妹妹
沒有做錯任何事情

這次的表演」

Candy亦有於IG上載與姜濤的合照，並留言：

「除了謝謝你 我都不知道説什麼好了 真的謝謝大佬姜

謝謝一直以來所有支持我的人，還有鼓勵我的姜糖

希望所有人都健康快樂

我知道做好自己才是最重要的」

姜濤 被指與Candy嗌大交後分手

姜濤出席活動時，否認與Candy的緋聞，表示兩人在合作完微電影後，只是間中在社交網站交流過，對於大家曾前後腳出現在附近地點，直言一切純屬誤會。而被指曾Unfollow Candy的Ian，就表示自己的社交網站好少Follow異性，之前和Candy也只是基於禮貌而互相關注。

至於緋聞的起因，是由於姜濤被指曾於去年情人節前夕（2月13日）在自己的IG Story上載了一張中環荷李活道的街景相，並寫上：「完了 迷路了」，而Candy亦在同一日於IG Story中上載了同一條街的街景相，兩人的相片中都能夠見到同一個生果檔，明顯是在同一地方拍攝。

但有指兩人在當晚同遊中環後，翌日即嗌大交並分手，在情人節當日，姜濤與MIRROR其他成員一起做直播騷時一直零笑容，當時他自稱身體不適，並自嘲孱弱說：「唔好搵我呢類人做男朋友。」

Candy 黃曦誼改名入行 情人節出Story怨被玩兩次

而女方Candy則在情人節翌日（15日）凌晨於IG Story出post表示：「原來乖嘅女仔，真係會畀人玩。仲要係一次二次」、「呢條路，我究竟要點樣行，感覺自己點選擇，都好對唔住屋企人」，似受到感情創傷，但未有提到對方身份。

出道已有三年的Candy Wong原名黃曉文，簽太陽娛樂文化旗下，並改藝名為黃曦誼，原來Candy初入行做Model時就孖姜濤拍過一個護膚品廣告，2019年她更與姜濤及Ian合作拍攝音樂微電影《戀愛要在生日前》，之後電影中片段更被剪輯作姜濤〈亞特蘭提斯〉MV以及Ian（陳卓賢）〈另一個諾貝爾〉MV。

曾和Ian互相取消關注

在合作拍攝音樂微電影之後，三人曾在IG互相關注，還經常互like對方出的新post，當時亦有Candy和Ian拍拖的傳聞，但之後Candy和Ian忽然互相取消關注，去年曾有網友問Candy仲有冇同Ian保持聯絡？Candy斬釘截鐵答：「No」。

當時亦有網友問她有否同姜濤保持聯絡，Candy回答：「都有嘅，但很少」，而當有網友問她為何unfollow Ian？她就回答：「好多人都關心呢個問題⋯⋯如果合作過或者係朋友，我一向都唔會先unfollow人的」，暗指是Ian先unfollow她。

有指Ian當時是逼於女友壓力而unfollow所有曾過從甚密的女性朋友IG，而據知Ian在去年拍攝《無限斜棟有限公司》時已撻著現時女友盧慧敏（Amy）。

Candy回應：合作完後無見面

對於今次與姜濤傳出緋聞，Candy回應傳媒提問時，解釋自己在IG Story所寫只是突然有感而發，她強調自己無同姜濤拍過拖，並指兩人自前年合作完後就無再見面。

其實今次並非姜濤首次同女仔傳出緋聞，去年姜濤就曾被拍得與網紅Anjan一同逛街，因而傳出兩人拍拖，但已被姜濤否認，並指和對方只是剛相識的朋友。