MC張天賦出Po撐救恩《記憶棉》 網民激讚：勇氣可嘉
中學生唱MC張天賦歌 獲頒「最佳台風獎」
該段中學生唱歌的片段，原片已在YouTube上載了近一個月，近日片段忽然被瘋傳，原片亦因此大受網民關注，瀏覽量在短短一日內升到逾5萬之數，有網民提到原來這位中學生當日在比賽上，成功奪得「最佳台風獎」，網民紛紛大讚：「感情分滿分，respect」、「同學仔好投入好認真去做一件事情，單係呢點已經值得鼓勵」、「睇得出佢係一個有故事嘅人」、「feel到佢有種傷痛」、「佢唱嗰陣可能好多回憶」等等。
MC張天賦提醒中學生：小心把聲
MC張天賦亦在其社交網限時動態中轉載了這位中學唱歌的片段，並表示：「先唔講唱功，但真係想鼓勵下佢！喺台上就係應該要毫無保留地盡情表演！呢位哥仔冇怯場、冇緊張！繼續加油！不過小心把聲。想當年SING CON，我淨係敢望住地下，手震晒。」並特別Hashtag說：「跪地我都淨係試過一次」。
MC張天賦：唔准笑人，要笑就笑我
之後MC張天賦又上載了一段他自己在少年時代練歌時的片段，片中的他眯著眼唱得十分投入，也一樣唱到破音，他表示：「好嘅嘢要重溫」，並說：「唔准笑人，要笑就笑我，唱歌係咁㗎啦，唱下唱下就好聽㗎啦！」又Hashtag說：「全是感情」。
前緋聞女主角Ash都翻唱過
《全民造星4》早已被淘汰的Ash（鍾卓穎）公開宣布離婚之後話題不絕，去年擔任過MC張天賦《時候不早》MV女主角之後，與MC私約平安夜行超市，引發連串風波。Ash在出事之前喜愛於社交網直播表演唱歌，早前都曾經在ViuTV節目《囝囝囡囡730》中，現場唱出緋聞對象MC張天賦的《記憶棉》，唔知MC又認為Ash表現如何呢？
MC張天賦如何鼓勵中學生的傾情演出？
MC張天賦在其社交網限時動態中轉載了這位中學唱歌的片段，並告誡同學仔要小心把聲⋯⋯詳見：MC張天賦出Po撐救恩《記憶棉》
Ash前夫曾向MC放話？
MC曾在IG開直播與Fans傾偈時，Ash前夫突入兼留言，說話仲有種酸溜溜嘅味道⋯⋯詳見：Ash前夫向MC道歉
