Marf@COLLAR投訴雜誌主編挑戰底線 公開認錯為自己衝動道歉

文：東方新地 ｜圖：IG@_marifemarife_、連登討論區、IG@marf_fansclub

「V.雜誌嘅主編係會可以咁討厭？」

雖然阿Marf出道之後工作接到手軟，錢應該搵唔少喇，不過就似乎有啲怨言，日前她就突然在IG的限時動態上寫道：

因乜解究，V.雜誌嘅主編係會可以咁討厭？做嘅所有嘢都挑戰緊我最底嘅底線，睇來今日應該都係人生幾大嘅一堂，我會忍㗎，唔好燥啊

然而該限時動態只存在幾分鐘及後即被刪除，但人氣旺盛的Marf不愁冇人Backup，當中一個名為「marf_fansclub」的反Marf專頁更加揶揄：「咪叫咗你小心用close friend囉」，還Tag了COLLAR經理人阿Wing（戴穎）、ViuTV高層魯庭暉等人並問道：「你好 這裡有公關嗎」

Marf 道歉

雖然Marf 嘅抱怨Post只係維持咗短短幾分鐘，亦無解釋過自己面對的困擾，但此Post已經瞬間成為網上熱話，唔單止反Marf專頁加一腳，討論區嘅網民都大多認為Marf 的言論太過份，批評她EQ低、「臭寸又衰格」以及未紅先驕之類。終於過咗幾個鐘，Marf亦有公開道歉，再次於IG的限時動態上寫道：

多謝各單位嘅包容同溝通 解決了問題
同時因為我嘅衝動而帶來影響深感抱歉
明白作為公眾人物嘅影響力
會繼續虛心學習～要大家操心了

另一方面，Marf 亦都有親自以訊息和錄音向一班粉絲致歉。