日劇First Love 初戀｜女主角被指太似余文樂林日曦怒插4宗罪！

Q: 為何《First Love》會引起轟動？

《First Love》單係預告已經引起唔少轟動，全因該劇用咗宇多田光經典歌曲... 詳情請看

Dec 14 2022

Netflix日劇《First Love 初戀》，單係預告已經引起唔少轟動，全因該劇用咗宇多田光經典歌曲《First Love》，簡直係80、90後的「回憶殺」。上星期《First Love 初戀》喺Netflix一上架無耐，已經上榜香港頭3位，掀起久違的日劇潮，不少藝人都陷入煲劇潮！不過現時旅居日本的林日曦，就在北海道現場撰文寫劇評，怒插《First Love 初戀》4宗罪！

firstlove 初戀 First Love 初戀《First Love 初戀》喺Netflix一上架無耐，已經上榜香港頭3位 — 《First Love 初戀》喺Netflix一上架無耐，已經上榜香港頭3位（圖片來源：《first love》）

Netflix 迷個個都話女主角太似余文樂！

香港Netflix討論群組亦有關於《First Love初戀》的討論，其中最熱烈談論的竟然係關於八木莉可子「女生男相」撞面余文樂的討論！原來有唔少觀眾都覺得少女主角八木莉可子某些角度唔夠靚，仲好似余文樂扮王馨平！唔少網友都表示「好彩睇咗，否則返唔到唔轉頭」！仲用以下圖片作對照！

first love firstlove 初戀八木莉可子演講一幕的則面，勁似余文樂！ — 八木莉可子演講一幕的則面，勁似余文樂！（圖片來源：Netflix）

first love firstlove 初戀同成年版的滿島光實在相差太遠⋯⋯ — 同成年版的滿島光實在相差太遠⋯⋯（圖片來源：Netflix）

first love firstlove 初戀 2001年出生的八木莉可子15歲被選為「寶礦力美少女」，當年拍攝寶礦力廣告出道。 — 2001年出生的八木莉可子15歲被選為「寶礦力美少女」，當年拍攝寶礦力廣告出道。（圖片來源：Netflix）

10年前《春嬌與志明》余文樂扮王馨平拍攝《別問我是誰》MV花絮

first love firstlove 初戀 — （圖片來源：Media Asia）

First Love 初戀｜林日曦寫千字文怒插

個個係度大讚Netflix日劇《First Love 初戀》時，前100毛腦細林日曦就寫千字文怒插，雖然林日曦都表示自己都忍唔住睇到流下男兒淚，套劇亦有佢好睇之處，但都要鬧一鬧套劇。

firstlove 初戀 First Love 初戀前100毛腦細林日曦 — 前100毛腦細林日曦（圖片來源：ig＠lam1hey）

批評1. 迴旋處成出戲位

首先迴旋處問題，林日曦指佢一口氣睇晒9集，主要原因都因為佢正身處劇集取景的北海道札幌，林日曦強調札幌就好似佢第2個屋企咁，近7、8年都斷斷續續喺札幌居住，所以佢特別留意劇中每個場景。但故事開始時女主角揸住架的士入迴旋處的時候，就被林日曦發現札幌係無迴旋處，仲上網搵到嗰個迴旋處係距離札幌兩個鐘車程嘅另一個城市旭川。林日曦就表示「咁你話人哋接到幾個order由札幌揸去旭川唔得呀？得……但女主角入職訓練又係揸去旭川？都得嘅……但男主角搭的士去中島公園都會經過旭川？」似乎呢個位令林日曦有所出戲？

firstlove 初戀 First Love 初戀 — （圖片來源：《first love》）

批評2. 少女主角1米7 、去到30歲就縮水？

其次，林日曦指出劇中年輕女主角（八木莉可子飾演）生得好高，演員身高足足1.69，但大個咗之後的滿島光，雖然演員報稱1.62米，但目測就細粒好多。林日曦表示，「雖然都明人類係會隨住年齡而縮水，不過30幾步就開始縮會唔會太早」？

批評3. 又係「日劇跑」

第3，「日劇跑」。少女、戀愛日劇中，一定唔少得「日劇跑」呢啲劇情，不過林日曦就認為「冰天雪地唔驚跣親㗎咩？」不過佢都話呢個純粹循例講吓。

批評4. 失憶劇情老土《First Love》首歌都救唔返

最後，林日曦指套劇真係幾老土吓，而好彩佢個人又好鍾意老土日劇，自己寫啲劇都好老土，所以都睇到含蓄喊，仲表示套劇如果放喺佢十幾歲嗰時即頭可以上埋神檯，封埋做「神劇」，特別係仲要用埋宇多田光《First Love》呢首經典歌，不過最尾一集真係老土到連佢都喊唔出，出埋《First Love》首歌都救唔返了。