Ivy So拍FINALLY新歌MV 仙氣滿滿甜到漏畫面大放送！（多圖）
廣告
男團FINALLY由小薯茄成員第一隊長Chorus（程人富）、第二隊長JPG（阿J）、第三隊長Fatman（肥蚊）和隊員M.I.C（朱Mic）組成，FINALLY繼去年首度勇闖樂壇，推出第一首單曲〈終於出歌〉後，今年再推出抒情單曲〈樓下的貓〉。MV更邀請咗COLLAR成員蘇雅琳（Ivy So）擔任女主角，今次仲係Ivy首次演出COLLAR以外的MV，靚樣出鏡嘅Ivy獲激讚仙氣爆燈，簡直每幕都甜到入心！
FINALLY自肥搵Ivy So做女主角
Ivy笑言之前上小薯茄節目時，已經與M.I.C有些淵源。〈樓下的貓〉歌詞中提到不少女神的名字，FINALLY成員一致認為MV都需要一位女神級的女主角，而在擬定人選時，毫無懸念一致決定人選為Ivy，並乘機借此自肥。首次擔演其他歌手MV女主角的Ivy笑說：「之前同COLLAR隊友上小薯茄節目時，已經有合作過，那時同M.I.C有些淵源，一直都覺得FINALLY好搞笑，冇諗到佢哋會出抒情歌。第一次聽到〈樓下的貓〉時，覺得曲風很新鮮，加上我都好鍾意提攜樂壇後輩，所以就一口答應。」
Ivy花店店主look 網友問：點樣先可以做到你隻貓
對於Ivy與M.I.C.在MV中有親密行為，3位隊長Chorus、JPG、Fatman都恨得牙癢癢，JPG說：「我哋有舉手同導演自薦，但失敗咗，咁惟有自行在戲外『加戲』，多啲同Ivy傾偈。」Fatman則指：「Ivy好專業，即使我哋用好熾熱眼神望住佢，佢都好努力同我哋演戲，仲讚我哋可愛。」
Ivy亦有晒出做一日樓下的花店店的靚相，唔少網友都表示「要唔要請員工」「請問重收吾收流浪貓」「想問吓點樣先可以做到你隻貓？」「想做你隻貓」
流浪貓幸福比喻
FINALLY新歌的MV極具故事性，四子在戲中飾演流浪貓，在街頭四處討女孩子歡心。一般的流浪貓都很可憐，但FINALLY演的是幸福的流浪貓，他們說：「我哋同貓嘅共通點就係可愛、高竇、討人喜歡，而流浪貓嘅比喻就好似FINALLY勇闖樂壇，每次我哋出席公開活動，其他歌手嘅fans都會好落力為我哋打氣，令我哋覺得自己好似流浪貓，有唔同嘅人愛錫我哋、餵我哋食嘢，甚至比家貓更幸福，而我哋亦都好享受呢種關係。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：ig@ivyysooo、youtube@Pomato 小薯茄
