Jeffrey魏浚笙遭狠批唱跳皆廢無奈呻：高調大聲宣布才算有練習嗎？

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jun 24 2024

由Edan呂爵安、Jace陳凱詠、Marf邱彥筒以及Jeffrey魏浚笙作為表演單位的拉闊音樂會，日前（22日）已完滿舉行，4位歌手於當晚的演出亦在網上有不少的討論。不過當中Jeffrey就負評連連，更被狠批係唱跳皆廢。更有粉絲質疑Jeffrye是否因出席巴黎時裝周導致練習不足，浪費了今次音樂會的大好機會，而飽受負評的Jeffrey昨日（23日），更再社交平台為自己辯解，引起網民熱議……

Jeffrey魏浚笙被批浪費表演機會

有Jeffrey的粉絲「咖啡豆」在社交平台發文表示：「作為咖啡豆，見到佢出場率咁高係超級開心嘅，但作為睇4人拉闊嘅觀眾，就會睇得出應該係無時間夾太多cross over..畀多左solo佢…似乎有少少唔夠時間排練」為偶像未能交出最好的表現，浪費了表演機會感到可惜。

對於被批浪費表演機會的Jeffrey就回應稱：「有時唔係唔想夾，係大家都比較擅長跳舞同想玩多啲跳舞，所以即使想盡力夾都夾唔得多，有心無力啊，我已經好努力盡join 埋跳舞㗎啦」又表示因為是人生第一次舞台，更緊張到抖唔到氣。

edan jeffrey 有「咖啡豆」為Jeffrey未能交出最好的表現感到可惜。（圖片來源：Threads@jeffreyngai） — 有「咖啡豆」為Jeffrey未能交出最好的表現感到可惜。（圖片來源：Threads@jeffreyngai）

edan jeffrey Jeffrey當晚共有5首個人solo的時間，冠絕其他3位歌手。（圖片來源：東方新地） — Jeffrey當晚共有5首個人solo的時間，冠絕其他3位歌手。（圖片來源：東方新地）

Jeffrey魏浚笙被狠批唱跳皆廢

不過Jeffrey對於被質疑因出席巴黎時裝周導致練習不足一事就大感不滿，更在社交平台發文稱：「Don’t judge a book by its cover .難道每次默默的練習都要高調大聲宣布讓大家知道才算有練習嗎？早幾個月就開始作準備難道也要全部說出來」又推爆呻已經努力配合大家的要求：「每個人的要求我都努力配合遷就，要我怎麼做就怎麼做，最後出來的結果為甚麼會演變成這樣的導向我只是一個熱愛唱歌的人」。

edan jeffrey Jeffrey事後在社交平台發文大呻兼為自己澄清。（圖片來源：Threads@jeffreyngai） — Jeffrey事後在社交平台發文大呻兼為自己澄清。（圖片來源：Threads@jeffreyngai）

edan jeffrey Jeffrey當晚與Edan合作表演《今期流行》等串燒歌，不過Jeffrey太過生硬的舞姿就被網民狠批。（圖片來源：東方新地） — Jeffrey當晚與Edan合作表演《今期流行》等串燒歌，不過Jeffrey太過生硬的舞姿就被網民狠批。（圖片來源：東方新地）

面對眾多批評，Jeffrey最終選擇公開道歉，但亦澄清了當中的誤會：「我對大家唔住，可能誤導咗大家。我只係見到有人提過幾句，我比較小（少）同大家有collab係因為去咗巴黎冇時間同大家夾而造成，但其實唔係事實，因為我私底下花咗好多心機時間提前去練去學，不過始終冇舞步底，好多時join唔到大家太多跳唱，搞到觀感上畀人咁樣嘅感覺，覺得有感而發而已，但其實琴晚嘅舞台係超開心又滿足！」亦獲林家謙、少爺占、彭秀慧以及同show的Jace等人安慰。

edan jeffrey Jeffrey當晚與其他3位歌手合作的舞台大多數都係以唱歌為主，不過Jeffrey都坦言因為自己冇跳舞底，所以冇辦法參與到太多要跳舞嘅表演。（圖片來源：東方新地） — Jeffrey當晚與其他3位歌手合作的舞台大多數都係以唱歌為主，不過Jeffrey都坦言因為自己冇跳舞底，所以冇辦法參與到太多要跳舞嘅表演。（圖片來源：東方新地）

網民唔收貨一面倒喪鬧

雖然有唔少fans都留言力撐Jeffrey，不過Jeffrey澄清的發文網民就唔收貨：「宜家呢代所謂歌手全部冇謙遜嘅態度，咁樂壇點會有進步？」、「無人想知你有無努力，大家只見到你表現差。」、「答下次努力就算啦你咁講咪姐係比人覺得你搵藉口同冇天份」、「謙卑面對批評不可以嗎？講咁多理由做乜？」、「眼神死咕咕，跳舞硬弸弸，接受唔到批評，一唔開心就要咁多人氹番？」