玩爆你個腎｜Edan整蠱劇情反轉！KB聯合鄭中基、花姐上演「X先生不幸事件」

文：東方新地｜圖：《玩爆你個腎》、《機動電視台RTV》截圖

Round 1！Edan翻唱鄭中基、張學友金曲《左右為難》

KB在社交網預告《玩爆你個腎》加《機動娛樂》crossover！究竟係爆邊個？9點鐘睇完《機動娛樂》第一條crossover片，緊接必須睇埋10點《玩爆你個腎》，整蠱第一Round，鄭中基與KB假扮邀請Edan錄音，合唱鄭中基與張學友的《左右為難》，而音樂監製舒文就飾演挑剔鄭中基唱腔的角色。

鄭中基同監製嘈交 Edan終止錄音

片中見到Edan呂爵安在錄音室錄音，初時還懂得對鏡頭微笑，KB在預告中讀出《E先生連環不幸事件》的歌詞，鏡頭一轉到去著名監製舒文同鄭中基正在在控制室內熱烈討論中，愈講愈激動，大家突然好大動作，火花四濺﹗而Edan似乎被終止錄音，不知所措坐喺度，一時又坐立不安﹗

Edan跌入圈套被迫「送死」

呢個時候Edan卻吩咐拎蛋糕入控制室「送死」，Edan面如死灰如行刑般面青青，一步一驚心行入去搵舒文及鄭中基，Edan一入去，二人還在爭拗到面紅耳熱，Edan個樣勁驚呆企當場﹗為了令Edan跌入圈套，花姐亦參與並成為主導人物﹗可憐Edan最後會點收科呢﹗講咁多﹗等睇片啦﹗

Round 2！鄭中基聯同花姐Edan反轉整蠱KB！

當大家以為整蠱環節已經完成，點知鏡頭一轉，原來整個錄音室的整蠱Edan都知情，「幕後操盤」的鄭中基趁著今次Crossover，聯同Edan、花姐 以及KB一方的同事合謀反轉劇情！

鄭中基預告一晚出兩條片

鄭中基亦有在社交網預告「有史而來Channel第一條長片！仲要係同 KB / Kevinboy / Kevin Li / 李健宏 Channel crossover，同時上片，晚上9點機動電視台有我哋嘅片，晚上10點到KB Channel睇埋另外一條片」