Edan12字終極回應聖誕巴黎密會林明禎 推新歌慘食負評有解釋

Edan新歌因戀情慘食負評

Edan於上月底推出新歌《純銀子彈》，不過歌曲就被唔少已經脱粉嘅前fans狠批意有所指。日前Edan接受訪問時就被問及新歌是否與近排新聞有關，Edan則表示歌曲的確係自己嘅感受，不過就「絕對唔係話要去批評或者抨擊啲咩人」，並表示「可能有時大家會諗多咗或者去咗另一個方向」，澄清推出歌曲之意並非如外界揣測。

Edan12字終極回應聖誕巴黎密會

而對於上月於社交平台再度被傳出聖誕與林明禎巴黎密會一事，Edan就大方表示自己有睇到相關傳聞。不過對於是否與林明禎秘密外遊，Edan僅回應：「工作以外嘅事我就唔評論喇」，以12字終極回應「明登戀」，未對網上傳聞作出證實或澄清。

農曆新年帶明禎見家長？

至於農曆新年是否會請林明禎到家中拜年？Edan表示「不會」，並指出這是私人事務，不想回應太多。