Edan大方認同林明禎歐洲食飯 坦言狂被恭喜:我都想為港爭光!
廣告
MIRROR成員呂爵安(Edan)早前突然被傳出與大馬女神林明禎秘密撻著,2人更被指齊齊蜜遊歐洲兼飛去台灣慶生,令戀情傳聞一時間鬧到沸沸揚揚!雖然一眾MIRROR成員都表示唔相信Edan可以追到林明禎,但係今日(2日)Edan出席活動時就親自回應傳聞,仲搞笑表示自己都想為香港爭光……
Edan大方認同林明禎歐洲食飯
Edan今日出席活動時就被問及最近與林明禎的緋聞,被在場記者恭喜嘅Edan就表示:「未有得恭喜住喎」、「都幾得意,我人生都未試過男士見到我都恭喜我。」不過Edan就透露飛去歐洲其實係去工作,但就大方認有同林明禎食飯:「同明禎本身都係朋友,喺歐洲的確有同佢食過餐飯。」更搞笑稱:「唔講以為我參加咗奧運」、「好似為港爭光咁。」亦澄清了被指與林明禎飛去台灣慶生一事:「直程流啦,我係同媽媽妹妹去嘅。」
![edan 呂爵安 Edan今日出席活動時開腔回應與大馬女神林明禎的緋聞,更搞笑表示最近超多男士恭喜自己,搞到自己好似係去咗參加奧運,為港爭光咁。(圖片來源:YouTube@Viu 1 HK)](https://imgs.weekendhk.com/wp-content/uploads/2024/08/-2024-08-02-3.22.51_126716729266ac9eda6e4ee.png)
Edan爆笑提兄弟回應
唔少MIRROR的成員都曾在公開活動被問及Edan緋聞一事,不過每位隊友都默契地認為Edan完全冇可能追到林明禎。Edan對此就搞笑表示:「我都唔明點解大家唔相信」、「大家係唔係睇小我」、「呢啲每一下都係插入我嘅心臟,即係咩意思先,你覺得我唔得咩?覺得我唔好咩?」更即席神還原成員們回應傳聞時的反應,又表示:「佢哋再亂講我就真係行動㗎喇!」
![edan 呂爵安 Edan搞笑表示一班MIRROR成員竟然唔相信自己可以追到女神林明禎。(圖片來源:YouTube@Viu 1 HK)](https://imgs.weekendhk.com/wp-content/uploads/2024/08/-2024-08-02-4.17.20_43493620566ac9ed0c076b.png)
Edan盼見蔡俊彥出戰奧運
近期因連環在ViuTV奧運直播中爆金句而人氣急升的劍擊運動員蔡俊彥(Ryan)其實係Edan的大學室友,Edan都表示為好友在社交平台大受歡迎感到開心。仲大爆:「不嬲都知佢膠膠地」、「以前唔係好講嘢」,Edan亦大讚睇完直播後發現好友講嘢進步咗好多,更為好友講說話:「大家都不能expect一個運動員突然去做主持,其實依家咁樣已經超晒班!」而Edan都表示:「最好就係睇到佢去現場比賽啦!」
![edan 呂爵安 最近在ViuTV奧運直播擔任評述的劍擊運動員蔡俊彥因連環爆金句人氣急升,原來佢仲係Edan的大學室友!(圖片來源:IG@ryanchoiiiii)](https://imgs.weekendhk.com/wp-content/uploads/2024/08/-2024-08-02-5.10.42_62291666466aca29dc38b9.png)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
撰文:東方新地圖片來源:IG@minchen333、IG@edanlui、YouTube@Viu 1 HK、東方新地、IG@ryanchoiiiii