COLLAR新歌《idc》造型照曝光 網民4大評價:Gao似得罪造型師
COLLAR新歌《idc》造型照曝光 變「忍刀七人眾」
COLLAR全體成員包括芯駖、Gao(沈貞巧)、Day(許軼)、蘇雅琳(Ivy)、Marf(邱彥筒)、Winka(陳泳伽)及Candy(王家晴)在IG都有新造型,各人造型都各有性感,據知是飛往日本拍攝,部份成員手持忍者兵器,同過往造型與別不同,勁有新鮮感,唔少網民已經逐一評價7位成員新look,更笑指變「忍刀七人眾」!
COLLAR新歌《idc》評價 1.︳Gao似得罪造型師
有不少網民見到Gao嘅造型照,紛紛唔多接受,「究竟啊餃同collar個造型師有咩過節」、「如果撒旦係女人 應該係咁樣」、「嘩… 唔好喇… SOR 唔識欣賞… 個 Stylist 發生了什麼事…」、「呢邊個建議係換咗造型師」。
COLLAR新歌《idc》評價 2.︳芯駖隻手出事
芯駖變成「浪客劍芯」,化身女劍士,勁有霸氣!不過有網民嫌美中不足地方是芯駖雙手略見不少青筋和皺紋:「應該P下對手」、「不好意思,但對手需要修護一下,看來好像好多經歷」
COLLAR新歌《idc》評價 3.︳Ivy So、Day、Marf、Candy全面升呢!
網民有批評個別成員造型有少少炒車,但大讚Ivy So、Day、Marf、Candy 新造型全部升呢!唔少網民留言:「Ivy單眼chok樣再加雙刀造型,勁有殺氣」、「真心想知stylist是邊位!點解唔似平時,感覺全部升lv 晒!連呀Day 都唔同晒!又型又靚!」、「Marf有料到wor ,襯到絕! 」、「糖b揸住呢把苦無打仗 一定大獲全勝!」
COLLAR新歌《idc》評價 4.︳Winka多口累事 like數最低
曾有不少網民指COLLAR今年重新出發,但卻被多口的Winka拖累,今年推出獨唱歌《一手造成》,宣傳時把前度掛嘴邊,被指不停消費前度,不過Winka堅持做自己,最近又因取消關注So Ching惹起爭議。。今次造型照一出,證明從like數反映出Winka的支持度係最低,睇嚟Winka要加把勁了!
即睇《idc》Teaser
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!