COLLAR經理人Wing認衰！最新團歌《Gotta Go! 》 被指抄襲業界怒轟

COLLAR新團歌《Gotta Go! 》再掐抄襲疑雲

COLLAR每次出新團歌都會掐入抄襲疑雲，今次《Gotta Go!》都唔例外，新歌由C.Y. Kong（江志仁）作曲、編曲及監製，但旋律被指與多首日本歌曲相似，其中最撞旋律的部份為副歌，被網民指抄日本雙人組合Yoasobi歌曲《向夜晚奔去》（夜に駆ける）。

由於網民反應非常激動，認為旋律激似，仲特意將2首歌合拼比較！有網民直指「好核突呀，成首已經陰陰地似，3：14仲成句直抄」、「其實唔理係咪有心抄，呢首個melody咁出名都唔識避嫌都幾抵死」、「CY Kong 唔係第一次抄Jpop」、「抄完韓國咪抄日本囉 將就下啦」「2:01 駁都駁唔到 一樣」，不過都仍然有網民力撐COLLAR「啲音黎黎去去都係咁上下架啦」「創作係咁啦，LoL又抄Dota 咩」

網民指CY Kong係「音樂裁縫」 事主回應

C.Y. Kong似乎都見到網民批評及質疑，事後於個人IG限時動態連Po三首歌，包括自己作曲的楊千嬅舊歌《深息》附上歌詞「想起某個面具 教過去好感告吹 /從此心底潑墨水 若有背影己淡黃 /早己淡忘 何故到這晚會有眼淚」似乎是想表示，唔少歌曲都好類似，但就未有直接說明對抄歌指控的想法。

COLLAR經理人發帖「責任」、「吸取教訓」

MV推出後翌日下午，面對如潮的批評，經理人Wing在IG發帖表示「責任全係我到，我知道講咩都無用亦唔需要解釋，我可以做嘅就係吸取教訓 繼續努力」文字似是變相承認抄歌事件，但同樣未有具體說明如何承擔責任？

COLLAR新歌抄襲斷正 同行業界怒轟

由於旋律實在太相似，抄襲嫌疑無法洗脫，就連擔任《全民造星》音樂總監的音樂人李澤民，亦於IG限時動態轉發批評C.Y. Kong的「對比影片」，並留言表示：「香港做音樂唔容易，希望大家精益求精。」似乎都認同在業界有資深經驗的C.Y. Kong，今次的確有抄歌嫌疑。由於今次歌曲是日本品牌的代言廣告歌，網民的指控延伸至twitter，務求令被抄襲的日本樂隊都要注意到事件，似乎C.Y. Kong都要認真考慮如何回應今次事件！

COLLAR《Gotta Go!》:

COLLAR寶礦力廣告煲足一個月 藍白造型曝光

Collar首個合體代言的寶礦力廣告中，Marf（邱彥筒）率先出場大叫及揮動旗幟，之後So Ching（蘇芷晴）、Ivy（蘇雅琳）、Gao（沈貞巧）、Winka（陳泳伽）、Sumling（李芯駖）、Day（許軼）及Candy（王家晴）逐個出場，呢款藍白Tone衣著和之前曾曝光過的廣告造型一樣。

COLLAR著純白舞衣 Ivy瞓地搶鏡

到第14秒，眾人一同換上純白色舞衣，大跳群舞，其中由Day企正C位入鏡，之後卻被穿著露腰小背心的Ivy成功搶鏡。跳完舞，Candy、Winka、Ivy都有躺在地上，到最後一鏡，Day脫下半邊外套的型Look作結。

COLLAR上位！8位成員齊集寶礦力廣告

寶礦力以唧牙膏式逐位成員發放單人8秒廣告短片，寶礦力日前終於推出COLLAR八位成員合體廣告相，預告將有全新代言廣告片來襲，網民都紛紛表示非常期待，更希望寶礦力可以推出相關的周邊產品，作為買寶礦力的贈品，例如閃卡、海報或鎖匙扣等，必定會大受歡迎！

寶礦力廣告女主角2022：COLLAR

今年1月簽約儀式之後，來到4月新一輯廣告陸續登場，八位成員的8秒短片分階段流出：

相關文章： COLLAR成為寶礦力水特最新代言人 Candy全程著錯鞋自嘲：人體實驗

COLLAR寶礦力水特 POWER OF SWEAT 2022電視廣告（30秒）：