Bob再做媒人 為美國老友招親 網民指同1位TVB綠葉演員極似樣！

Bob為老友招親：為食咗少少，但有100間屋收緊租！

Bob林盛斌在社交平台post出一張照片，圖片為他的一名女友人，他指本來約食早餐是想了解一下目前美國有什麼靚屋筍盤，對方則反問Bob身邊有沒有什麼男性筍盤，所以Bob決定幫佢嚟一波招親。

女友人為企業家勁有料

據悉Bob的友人名為Bonnie，是一名企業家，亦是海外物業公司Capstone 72的創辦人。Bob指對方「心地善良，性格開朗，可愛活潑，平易近人」，又笑稱對方的缺點「係為食咗少少，真係少少嘅啫」，指對方早餐係「食豬扒腸蛋麵係會唔夠飽，要加個餐蛋治烘底」。

美國逾100間屋收租

不過Bob再次補充一個屬於對方的「專屬優點」，便是Bonnie在美國有超過100間屋正在收租，他續指「所以有時可能會飛來飛去，未必成日陪到你，希望你唔好介意。」翻查資料，Bonnie為Capstone 72創辦人，並且亦是一名專欄作家，30歲前已經財務自由，目前正經營Capstone 72，為港人提供在美國房地產投資的機會。細看之下的確幾有才華，並且都擁有一定財力，今次真係可以達成「不想努力了」的狀態！圖片一出都引起熱議，唔少網民都應徵希望可以認識一下女方，就連女生都忍不住話「我係女可唔可能做佢閨蜜」。

網民錯重點 認錯係蕭徽勇

帖文出街後吸引大批網民留言，網民都舉手大嗌：「我我我！」、「姨姨我不想努力了」，不過大部份人都在其外貌作出評價，有網民覺得Bonnie似係林盛斌細妹，亦有人覺得似足TVB演員蕭徽勇，封佢為「女版蕭徽勇」！

蕭徽勇60日成功減去100磅

睇《放學ICU》大嘅小朋友個個見慣肥騰騰嘅哥頓哥哥，蕭徽勇曾經真係愈食愈肥，體重一度超過300磅，直至2017年中因為胃痛入院，發現血壓高到有機會中風，終於開始正視問題為身體健康而減肥。結果通過蔬果汁斷食餐單再加埋勤做gym，六十日成功減去100磅。