李芷晴鄧凱文指獲Babyface欣賞係榮幸 郭珮文1句神回覆變焦點

李芷晴鄧凱文稱Babyface太高調

李芷晴及鄧凱文日前接受訪問時回應「Babyface哥」揚言要追梁敏巧一事，與Maggie同為東張女神嘅鄧凱文就高EQ指對方有才華，不過自己就同Maggie同一諗法，覺得係自己襯唔起「Babyface哥」，但係就同李芷晴齊齊表示會為佢加油。

隨後李芷晴亦指獲「Babyface哥」賞識係榮幸，不過就覺得對方太高調：「但有時太高調，女仔會怕醜」，因此認為低調啲會比較好，而鄧凱文亦附和稱太高調會令女方感到壓力。

郭珮文1句神回覆變焦點

上屆參選港姐後入行嘅郭珮文（Juliana）就直言冇留意「Babyface哥」嘅事件，因此唔知佢係邊個，但係就爆金句變全場焦點！皆因郭珮文表示對於被男方高調追求：「如果冇興趣就覺得係騷擾」，仲爆笑稱如果自己對男方有好感，咁就真係「不知幾開心」！