Anson Lo演唱會︱全場7大焦點教主喊到收唔到聲 不忿神徒被蝦

1. Anson Lo 首場個人演唱會 場外應援超震撼

MIRROR人氣王Anson Lo首場個人演唱會場內場外都非常熱鬧，未開場之前已經吸引大批身穿粉紅色應援服的「神徒」到場排隊購買周邊。場外佈滿了粉絲們精心準備的應援版，讓神徒們邊打卡邊等入場，場面非常墟冚。

2. 以勁歌熱舞開場 性感舞姿惹全場大叫

雖然早前傳出Anson Lo今次個唱曾一度傳出黃牛恐慌性拋售門票，惹來黃牛恐慌性拋售門票，但首場演唱會全場爆滿座無虛席。Anson Lo一開場就即以《一所懸命》及《Mr. Stranger》勁歌熱舞登場，性感舞姿惹來全場「神徒」瘋狂大叫！

3. 間場加插介紹舞蹈員影片

當唱完新歌《浪漫殺死巨蟹座》之後，演唱會大屏幕突然播出一段介紹Dancers的影片，每位為Anson Lo伴舞的Dancer都有一段獨舞和個人大頭Shot。出道前為Dancer出身的Anson Lo不但無忘初心，仲好有義氣俾Dancers更多曝光機會。

4. 自摸騷肌樣樣有 仲同女dancer貼身辣舞

向來走性感路線的Anson Lo，今次開演唱會都搏到盡，自摸騷肌樣樣有。至於演唱會最精彩之處，就莫過於Anson Lo在演唱《Nice n Slow》（原唱：Usher）時與女Dancer大跳性感貼身舞蹈，性感尺度讓人嘩然！

5. 演唱會服裝全面睇 全場換足7套衫

Anson Lo 首場演唱會的服裝亦非常有睇頭，全場換足7套衫，幾乎套套都騷肌，其中就以大露背服裝唱《偷情》最為性感，為現場「神徒們」大派福利。

6. 感歎入行四年長大許多：「呢4年我經歷咗好多嘅嘢，犯過唔少嘅錯誤」

當唱完《角落生物》之後，向來感性的Anson Lo在台上表示自己並沒有改變，只是比4年前長大了：「入行4年幾，我覺得自己大嗰咗好多。你地好多時message我話覺得我變咗好多，好似同剛出道嘅你好唔同，但我覺得呢個變對於我嚟講係件好事，因為我覺得自己係長大咗。呢4年我經歷咗好多嘅嘢，犯過唔少嘅錯誤，有好多嘢都有後悔，好多時候有好多流言蜚語，好多唔同新聞，但全部都係假。但呢啲所有里程令我學到好多嘢，亦長大咗好多，先會形成到宜家嘅我。可能大家覺得我好官腔，可能呢個就係我自我保護嘅形式一種，我由細到大講嘢都係咁。」

爆喊感激粉絲為自己付出：「去食啲唔應該食嘅黃牛」

全場神徒為Anson Lo大合唱《不可愛教主》，感動到Anson Lo爆喊，近乎成首歌都係一眾神徒唱，更邊喊邊表示感激神徒們為自己付出，唱到《神隊友》最後時，他表示要說一些心底話，之後有工作人員遞上紙巾。他哽咽向神徒坦白傾偈，「又要食啲唔應該食嘅黃牛，同埋俾啲唔好嘅人HOLD住啲飛啦！每次見到你哋俾人蝦都好嬲，又唔知可以做咩保護到你哋，又唔可以喺STORY公開為你哋反擊，因為會引來罵戰，自己只可以每晚準備明天劇本、update social media，關心大家，睇晒你哋留言，呢啲都係對你哋嘅愛。」

7. Anson Lo 盧瀚霆個人演唱會《THE STAGE》完整歌單：

1. 《一所懸命》
2. 《Mr. Stranger》
3. 《角落生物》
4. 《重新長大》（原曲：許廷鏗）
5. 《永順街39號》
6.《浪漫殺死巨蟹座》
7.《Megahit Megamix》
8.《Nah》
9.《Turn Up》（原唱：周湯豪）
10. 《Nice & Slow》（原唱：Usher）
11.《Burn Out》
12. 《偷情》（原唱：張國榮）
13. 《潛龍勿用》（原唱：謝霆鋒）
14.《Numb》（原唱：Linkin Park）
15. 《同居陌生人》
16.《Ignited》
17. 《Try》（原唱：Asher Book）

18.《神隊友》
19.《不可愛教主》
20. 《King Kong》
21. 《EGO》
22. 《Money》
23. 《Megahit》

同場加映：MC張天賦「倒米助手」YeeYee身穿「神徒衫」捧場

經常四位焫著火頭嘅MC張天賦助手兼歌迷會管理員Yee Yee，今日亦有到場支持Anson Lo，仲要坐喺Block A第三行超靚位。同場亦有粉絲見到YeeYee身穿粉紅色「神徒衫」到場打卡添！