Anson Lo演唱會︱陳慧琳做嘉賓激讚教主2分鐘一齊跳舞唔輸對方

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jul 26 2023

MIRROR成員Anson Lo（盧瀚霆）今晚於亞博舉行一連四場個人演唱會《ANSON LO “THE STAGE” IN MY SIGHT SOLO CONCERT 2023》的尾場。繼有Dear Jane、蔡卓妍擔任前兩場嘉賓，尾場就邀請到陳慧琳做嘉賓，分別演唱兩首經典金曲《花花宇宙》和《對你太在乎》，Kelly一出場就喪讚Anson Lo夠勤力：「樂壇好需要你呢啲歌手！」

Anson Lo 演唱會尾場邀請陳慧琳齊唱《花花宇宙》

Anson Lo個人演唱會今晚來到尾場，前兩場邀請到Dear Jane、蔡卓妍擔任嘉賓，今晚就邀請了大前輩陳慧琳出席做嘉賓。Kelly一登場隨即惹來全場歡呼，兩人齊齊大唱陳慧琳hit爆金曲《花花宇宙》，再由Kelly自己獨唱慢歌《對你太在乎》。Kelly果然係大前輩，輕鬆帶熱全場氣氛之餘，又唱又跳都毫無喘氣，認真厲害。

ansonlo 盧瀚霆 Anson Lo Anson Lo 演唱會尾場邀請陳慧琳，兩人又唱又跳合唱《花花世界》 — Anson Lo 演唱會尾場邀請陳慧琳，兩人又唱又跳合唱《花花宇宙》（圖片來源：東方新地）

ansonlo 盧瀚霆 Anson Lo 之後Kelly獨唱慢歌《對你太在乎》，零走音唱到好似食咗CD。 — 之後Kelly獨唱慢歌《對你太在乎》，零走音唱到好似食咗CD。（圖片來源：東方新地）

Kelly高度評價Anson Lo：樂壇好需要你呢啲咁嘅歌手

兩人唱完《花花宇宙》後，Kelly大讚Anson Lo特意為兩人合作舞台排舞，態度夠曬認真：「我要讚吓佢先，我做咗咁多次演唱會嘉賓，都從來都未試過嗰Artist會排埋舞，好勤力，非常好。你繼續加油啊，你掂啊。佢拍曬Video，一早排曬舞俾我練，好感動。」Kelly更高度評價Anson Lo，指樂壇需要更多像他的歌手：「我哋真係好需要你呢啲咁嘅歌手，咁認真為我哋樂壇出一番力，勤力、無得頂！」

ansonlo 盧瀚霆 Anson Lo Kelly出場後讚足AL兩分鐘，讚佢夠曬勤力，事先為《花花世界》排舞 — Kelly出場後讚足Anson Lo兩分鐘，讚佢夠曬勤力，事先為《花花宇宙》排舞（圖片來源：東方新地）

Dear Jane再做嘉賓 Tim老婆都到場捧場

除了有Kelly擔任嘉賓之外，Dear Jane繼第二場之後再次擔任嘉賓，一出場就唱《到底發生過什麼事》，令全場high到爆。

ansonlo 盧瀚霆 Anson Lo Dear Jane再做嘉賓 — Dear Jane再做嘉賓（圖片來源：東方新地）

ansonlo 盧瀚霆 Anson Lo 有觀眾更發現Tim@Dear Jane太太楊洛婷亦有現身捧場。 — 有觀眾更發現Tim@Dear Jane太太楊洛婷亦有現身捧場。（圖片來源：東方新地）

爆喊剖白過去一年壓力爆燈：曾經同花姐講話我頂唔順

感性的Anson Lo到尾場再次忍不住落淚，表示過去一年曾經壓力爆燈，有考慮過停下休息，但幸好有歌迷的支持，令自己有力量繼續向前：「過去一年其實係自己好大壓力嘅一年，我曾經都同花姐講話我好似頂唔順喇。我都有諗過不如停一陣，教父都叫我停一陣，唔好衝得咁快。我自己都好掙扎，但就係因為你哋每一個人，我先繼續有力量，去繼續做我想做嘅嘢。喺我好累嘅時候，對自己當日表演好失望、工作未如理想等，我都見到你哋叫我要加油。好多人話我浸淫咗喺大家叫我努力，而唔記得點樣去進步。但係永遠愛係大過憎恨，我呢一年學識咗無時無刻鼓勵下身邊嘅人，值得定係唔值得都要俾多啲愛大家。」

ansonlo 盧瀚霆 Anson Lo Anson Lo表示過去一年曾經壓力爆燈，有考慮過停下休息，但幸好有歌迷的支持，令自己有力量繼續向前。 — Anson Lo表示過去一年曾經壓力爆燈，有考慮過停下休息，但幸好有歌迷的支持，令自己有力量繼續向前。（圖片來源：東方新地）

從20位粉絲到坐滿亞博感激粉絲一路陪伴

此外，Anson Lo憶敘當年只有20位粉絲在台下支持自己，到今時今日能夠坐滿成個亞博，表示非常感激每一位粉絲的陪伴：「出Event有20個粉絲，慢慢到有200個，到宜家有你哋每一位嘅支持，仲有喺屋企睇緊Live嘅每一位。如果唔係有大家嘅堅持，我都唔可以喺今日行到嚟呢一步。」

ansonlo 盧瀚霆 Anson Lo Anson Lo第一場已經開始喊，到尾場都繼續忍唔住流淚。 — Anson Lo第一場已經開始喊，到尾場都繼續忍唔住流淚。（圖片來源：東方新地）

希望能夠加場聲稱體力許可：可以加廿場

演唱會結束後，Anson Lo接受一班傳媒訪問時，指很開心能夠舉辦今次演唱會，透過今次演唱會感受到歌迷和大眾對自己的愛，同時亦希望能夠加場：「如果可以開多幾場就最好啦，因為有好多神徒都話入唔到嚟睇，我都想畀本身唔認識同無太大興趣嘅人入嚟睇。同埋我覺得我體力上都能夠之撐到幾場。（你覺得自己Maximum可以支撐到幾場？）哇，20場啦！」

ansonlo 盧瀚霆 Anson Lo指自己體力許可，可以開到20場。 — Anson Lo指自己體力許可，可以開到20場。（圖片來源：東方新地）

今次冇肚痛頭暈為之前事件感到好失禮

身體向來孱弱的Anson Lo，去年都有好幾次因為身體不適而缺席活動。Anson Lo就指今次演唱會並沒有身體不適，並且為之前因病缺席活動而感到好失禮：「年初、上年有幾次都因為胃有事或者好暈，我自己都覺得好失禮，我都唔想再發生呢啲時間。今次Prep咗好多嘢，今次呢四場食足三餐，飲夠水，唔會飲太多齋啡，同埋時常帶定胃藥同暈浪丸，in case要嘅時候就唔會咁失禮。」

ansonlo 盧瀚霆今次教主冇頭暈冇胃痛，開足4場演唱會。 — 今次教主冇頭暈冇胃痛，開足4場演唱會。（圖片來源：東方新地）

演唱會造型曾考慮半裸上身談及肉搏女Dancer感想

對於第一次開演唱會，Anson Lo自評今次表演有70分，隨即亦談及到與女Dancers肉搏跳辣身舞的感想：「本身排舞係一啲都唔買，隔咗至少兩個身位，排排吓越嚟越熟咁都OK嘅，On Show嘅時候直情埋到差啲嘴埋落去，但係大家鐘意睇就OK喇。」Anson Lo 今次亦有參與服裝設計，更笑指本身有考慮過半裸上身：「但我最後都ban咗自己，因為覺得未係時候。大家等多陣，如果真係開到廿場先啦。」

ansonlo 盧瀚霆今次演唱會教主難得與女Dancer肉搏上陣，睇到粉絲們都哇哇聲。 — 今次演唱會教主難得與女Dancer肉搏上陣，睇到粉絲們都哇哇聲。（圖片來源：東方新地）

首場後曾提醒自己唔準再喊：唔係大家都體諒到你

當被問到有否限自己於演唱會喊的次數，Anson Lo就表示曾經有提醒過自己不要在落淚：「其實我第一場喊到成首歌唱唔到之後，都有提醒過自己之後三場唔好再喊，因為唔係大家都體諒到你。我都好想唱完整嘅歌畀大家聽。第三場就只係喊咗兩句，但因為今場可能係尾場，所以其實今日出門口嘅時候已經想喊。」

ansonlo 盧瀚霆每場都感動落淚。 — 每場都感動落淚。（圖片來源：東方新地）

慶幸有為黃牛飛事件發聲認為自己要保護粉絲

Anson Lo在演唱會首場曾經為「黃牛飛事件」發聲，表示每次見到粉絲被人蝦都會好嬲。Anson Lo在接受訪問時表示慶幸有為事件發聲，他認為自己要保護自己粉絲：「我唔覺得（發聲）係一件壞嘅事。我戥我嘅fans心痛，因為有好多神徒入唔到嚟睇。由第一晚開始就有好多神徒都打算食黃牛，但係就畀人hold住啲飛等等。我好心痛係因為我Visualize大家撲飛，上網買飛嘅場面，但人地hold住啲飛，我就覺得好心痛、好虐心。」

ansonlo 盧瀚霆 Anson Lo表示為粉絲們感到要買黃牛飛而心痛。 — Anson Lo表示為粉絲們感到要買黃牛飛而心痛。（圖片來源：東方新地）

一起看Anson Lo演唱會後足本訪問：

辛苦曬教主一連四場演唱會！

兩人結緣於五年前 Kelly曾指冇諗過AL會出道

陳慧琳早前出席公開活動時重遇5年前為自己《打自己》MV伴舞的Anson Lo，陳慧琳表示拍攝MV當時已經覺得對方好型，但就冇諗過對方會出道：「覺得佢好乖巧，好好笑容，同埋好Pro，同埋佢都係聰明嘅。冇諗過佢會出道，因為我唔知道佢識唱歌，嗰陣只係見到佢跳舞咋嘛，同埋覺得佢扮嗰樣似嗰樣。因為嗰時個MV係60年代，嗰陣就覺得呢個男仔做到呢個感覺出嚟，佢可塑性係高囉。」