Anson Lo被連登仔封MIRROR「病痛擔當」 一文細數盧瀚霆十大傷患

Anson Lo接力做病君

人氣男團MIRROR日前以「星級應援團」身份出席保險公司活動，繼姜濤腳傷有情緒病多次缺席後歸隊，今次輪到Anson Lo突然話唔舒服，最後由經理人花姐攙扶下離開，Anson Lo之後在社交網發文報平安：「我沒事，只是暈了，未能完成訪問，對此十分抱歉，去醫院檢查。晚一點再和大家UPDATE，別擔心我。」睇完醫生再透露最新情況：「看了醫生做了檢查，休息了半日，想跟你們update一下，今天沒有拍照惟有用這一張吧，醫生說我嚴重脫水/缺水，再加上昨晚已經有一些感冒，所以身體支撐不住暈倒，其實做兩個訪問時都叫自己盡力撐住，但拍最後一個訪問時，真的Hold不住了！」

網民有感Anson Lo近年由頭傷到落腳，在連登討論區出po嚴選Anson Lo十大傷患，唔數都唔知佢真係潺成咁囉！

1. 感冒暈低

日前Anson Lo感冒嚴重脫水，當眾不適暈倒，網民話佢同姜濤鬥身體潺弱，總之病痛要多過姜濤。

2.胃抽筋

Anson Lo去年與欣宜合作開騷，教主冒生命危險拉埋最後一首歌，完騷後即時胃抽筋，被工作人員扶走。

3.失聲ONE & ALL LIVE前夕失聲

Anson前年於ONE & ALl LIVE前夕，因嚴重過勞令聲帶發炎及結繭，導致失聲，當時有指醫生叫佢停工兩個月休息，網民笑言呢單都幾過分，應該終身收皮。

4.發燒

Anson Lo工作排山倒海，成日捱更抵夜體力不支，時不時在拍劇、拍節目期間發燒，免疫系統差到一個點！

5.膝蓋舊患

久唔久練舞或表演後都話傷及膝頭舊患，看來勞損情況都好嚴重。

6.撞爆額頭

拍電影《假冒女團》時，Anson Lo拍攝動作場口時，曾經唔小心撞爆額頭搞到爆缸，被指假戲真做夠晒落力！

7.搭計程車扭親條腰

Anson Lo話自己前年搭計程車遇上車禍，的士突然被撞上行人路，扭親條腰，網民話香港叫「的士」唔係「計程車」，笑佢唔知邊度鄉下！

8.風濕

練舞多年的Anson Lo當然有唔少舊患，他曾自爆有關節風濕，拍MV時更觸及膝頭舊患，又要公開話畀大家知。

9. 對冷衫敏感一身紅印

2021年播出嘅ViuTV劇集《大叔的愛》，同劇演員娟姐練美娟於IG Story上載Anson Lo的裸背，見其背部出現大量紅色疑似抓痕，Anson Lo本人轉發解釋，指背上的紅印是他對冷衫敏感所致。

10.拍《King Kong》 MV𠝹到爆血

Anson Lo去年拍《King Kong》MV堅持親身上陣拍打鬥場面，點知整傷手指要即時用液態膠布處理，Anson Lo痛到忍唔住大叫，真係好怕痛！

網民力數傷患遺珠-心理病

有網民指出，其實AnsonLo的病痛唔止十樣，其實仲有第十一樣「心理病」。