28歲Anson Kong江𤒹生@MIRROR被爆撻著39歲DJ麻利女方發火回應

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jul 27 2021

人氣男團MIRROR成員Anson Kong（AK，江𤒹生）今日（27日）忽然被爆撻著39歲的商台DJ麻利，更被指係「姨侄戀」，引起網友熱烈討論，而對於這段緋聞，有指麻利曾在其私人Facebook中暗爽，不過今日麻利就在其IG限時動態中否認有講過這句說話，更直斥有傳媒「唯恐天下不亂」！

文：東方新地｜圖：AK及麻利IG

AK@MIRROR 孖麻利睇C AllStar演唱會

Anson Kong同麻利的緋聞原來沿於兩人在前晚一同去欣賞C AllStar演唱會，當晚同場的還有Frankie（皮皮，陳瑞輝）及Super Girls成員Yanny、Cheronna、Jessica等人，不過有傳媒影到在演唱會開場前，Anson Kong曾與麻利及Frankie「三人行」到先去尖沙咀觀看電影《幻險森林奇航》優先場。

28歲MIRROR成員Anson Kong被指同39歲麻利玩「姨侄戀」。（圖片來源：Anson Kong IG） — 28歲Anson Kong被指同39歲麻利玩「姨侄戀」。（圖片來源：Anson Kong IG）

麻利一直公開表示自己係「鏡粉」，有傳Anson Kong同麻利係因為同樣愛好滑水而變Friend，有傳媒指最近圈中失驚無神傳出39歲麻利同28歲AK玩「姨侄戀」，但行內幾乎冇人相信，認為是世紀笑料。有指麻利曾在其私人Facebook回應這段緋聞，表示：「喂傳我同邊個邊個拍拖，一次比一次出色，大家好睇得起我喎！」、「傳聞中男主角都相當嗒得杯落，我覺得威威嘅。」

Anson Kong（後排左二）與麻利（後排右二）及Frankie（後排左一）一同去睇騷。（圖片來源：IG@Super Girls成員Jessica） — Anson Kong（後排左二）日前與麻利（後排右二）及Frankie（後排左一）一同去睇C AllStar演唱會。（圖片來源：IG@Super Girls成員Jessica）

同場還有Super Girls三位成員Yanny（前排左一）、Cheronna（前排左二）、Jessica（前排左三）。（圖片來源：Anson Kong IG）

不過今日麻利就在其IG限時動態中否認有講過這句說話，她直斥：「點解呢個世界咁無聊？就係你哋課金要撐，睇呢啲無營養嘅嘢？仲要會員獨家，不如你畀錢我講你聽，我係生粉嚟㗎。唯恐天下不亂，我真係對傳媒好失望。」、「香港要嘅唔會係呢啲，兩個同性就係基、一男一女上樓就係唔知搞乜，出街就係拍拖，唔講嘢就係鬧離婚，點解要令大家生活咁多八卦？你生活好枯燥咩？」等等。