網民用AI再推港版《復仇者聯盟》 最強卡士有2選角唔合格！
廣告
近期AI改圖嘅風氣十分盛行，繼網民以AI改圖推出港版《魷魚遊戲2》嘅強勁卡士後，最近又有人用AI惡搞港版《復仇者聯盟》，不過今次選角就認真厲害，唔少人都大讚零違和感！
網民用AI惡搞港版《復仇者聯盟》
網民在社交平台上傳一連串用AI惡搞的《復仇者聯盟》港版選角，其中多位主角都獲網民大讚夠神似，非常適合相關角色，例如有甄子丹做黑豹、洪金寶做Hulk、古天樂做Thanos、鄭伊健做「冬日戰士」Winter Soldier、舒淇做女巫Wanda和周潤發飾演神盾局局長Fury。
網民提出比AI更好選角：冇徐錦江好唔合理！
不過其中亦有不少網民認為有唔合格的選角，譬如AI就推薦用金城武做雷神，不過網民就紛紛留言抗議指：「雷神不應該是徐錦江的嗎？金城武不適合啦」、「徐錦江企喺Chris Hemsworth隔籬簡直係孖生兄弟」、「冇徐錦江好唔合理」等。
AI亦推薦周星馳飾演Loki，但網民就認為謝霆鋒更加合適。最為離譜的是AI竟然冇搵Eric Kwok做Iron Man，反而推薦劉德華做，搞到網民都「起哄」：「錯曬啦，一定係eric kwok」、「點解會唔係Eric Kwok」、「一定係Eric Kwok la 最似」等。
網民AI改圖出最強卡士港版《魷魚遊戲2》
12月26日風靡全球的Netflix劇集《魷魚遊戲2》正式上架，劇集未上架之前已經惹來大批網民熱烈討論。日前有網民用AI改圖出香港版的《魷魚遊戲》卡士，一班巨星齊齊「穿上」經典綠色運動服，包括有鄭秀文、謝霆鋒、王菲、周潤發、郭富城、劉德華、古天樂等電影界巨星；至於TVB方面亦有馬國明、黃宗澤和陳豪等人。網民都大讚如果此卡士拍《魷魚遊戲》，一定收視、口碑大賣！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Facebook@HKFeel、Facebook@Leo Ball、Facebook@90年代回憶 (新版)
