49歲宣萱關注染髮劑青春凍齡的秘密

新假期 - 影視

Feb 28 2020

廣告

兩年前開始轉投新經理人公司、成為老友古天樂旗下藝人，拍咗電影《 L風暴》、《犯罪現場》仲有等上畫等到頸都長嘅《尋秦記》電影版，都見到宣萱同古仔又拍住上。

撰文、圖片：東方新地

宣萱凍齡有秘訣關注染髮劑再跟發哥行山

原來二人合作超過廿年，睇唔出呢？兩位老拍檔同齡都係49 歲，古仔由白面到黑面，愈趨成熟再加添娛樂大亨味，而宣萱就好似食咗防腐劑一樣，未老過嘅？嗱，外貌皮膚身材keep到完全同飲食運動個人體質息息相關，至於髮色？都一樣唔偷懶得要保持補色。下下咁得閒落salon咩，所以宣萱同好多人一樣，都有支染髮劑看門口。日前一個人出銅鑼灣shopping重點項目就係買染髮劑，研究完成分同用法買番屋企，立即變黑又得，慢慢變黑都得，青春常駐咪就係咁簡單之嘛！

忙完電影宣傳，宣萱終於有時間享受片刻清閒，日前獨自遊走銅鑼灣購物，轉個頭已經買完兩大袋，留意番，一向注重環保嘅宣萱係用環保購物袋㗎！

其中一站係去連鎖藥房買染髮劑，49歲一頭烏黑秀髮氣質多年不變，秘密就係咁簡單。

琳瑯滿目選擇太多，宣萱細心逐支研究用法同成分。

買完染髮劑去睇護膚品，宣萱又係好仔細研究成分。

乜嘢可令宣萱保持心境開朗？一定係對住愛犬Scooby啦！大頭selfie嘅宣萱廿年來一樣咁索。

潮流興行山，熱愛運動嘅宣萱亦有跟大隊，仲要跟星級行山始祖發哥去行，強身健體。

關鍵詞