46歲馬國明嘗初戀滋味 與湯洛雯高調情侶裝放閃

原文刊於《東方新地》

馬國明嘗初戀滋味網上閃不停

馬國明不是戀愛沒經驗，只是遇上湯洛雯才嘗到初戀的滋味，二人過去拍拖都要偷偷摸摸，今次決定一齊豁出去，6月首被揭戀情後迅速認愛，堂堂正正接受外界祝福，馬明被靚湯完全融化，性格突變，更開通社交網鮮有地公開調情。

定情手機殼、高調情侶裝放閃

這段情一開始就沾上童話氣息，靚湯用獨角獸戀上小馬來代表二人，對於唔識搞花臣的馬明來說，這種戀愛經驗確是前所未有。據知情者透露：「馬明每次拍拖都好認真，不過次次都冇好結果，佢年紀唔細覺得再搵就係結婚對象，初頭佢都仲有陰影，好驚再遇錯人，但靚湯真係好唔同，佢真心欣賞馬明，就算天然呆都覺得係優點，甘願做小鳥依人，佢係一個好sweet嘅女仔，佢哋相處得好開心好舒服，成日你氹我我氹你，講心唔講金。唔似得馬明舊愛黃心穎，口口聲聲話當馬明係男神偶像，點知一拍拖就露出真面目，三日唔埋就話要去買名牌，馬明想佢開心所以有求必應。不過最衰就係利用馬明上位，馬明唔想出去佢都會堅持自己出去玩，之後偷食就更加衰到貼地。同黃心穎相比，靚湯簡直係天使，佢同馬明可以留喺屋企食吓住家飯，日見夜見都唔厭，馬明拍咁多次拖都未試過沉迷成咁，每次畀人笑佢初戀咁樣，佢都會話你哋唔明㗎喇！」

回顧二人多段戀情從未如此冧豬過

入行廿年的馬明拍拖次數唔係少，不過次次都總有阻滯愛得閃縮，即使對上一次的黃心穎，都係曖昧一段長時間斷正好幾次先肯認愛，真係從未見過馬明呢種見到靚湯對眼發晒光嘅樣，今次愛神之箭應該穿心入晒。