41歲黃嘉樂不介意女友曾離婚愈愛愈高調聽晒女友話

CentralEditor_WW

Jan 17 2020

廣告

拍拖三年，黃嘉樂同攝影師女友江惠賢（Samantha）感情愈嚟愈穩定，個人IG 不時晒恩愛，早前記者撞到兩口子恩愛行街睇戲，同一般情侶無異，其實只要同鍾意嘅人一齊，做乜都開心！

撰文、圖片：東方新地

黃嘉樂不介意女友曾離婚明言賺多2年錢即結婚

逢過時過節慶祝生日同「鐵馬家族」老友聚會實帶埋Samantha出席，女友結過婚又聲明絕不介意，近日仲愈愛愈高調，男方話明要拼搏事業賺多一、兩年錢後，就會迎娶女友過門。婚事只差一步，不過睇吓小兩口出街拍拖其實已經十足老夫老妻一樣有默契，都係爭嗰一紙婚書啫！

拍拖三年，黃嘉樂同攝影師女友江惠賢（Samantha）感情愈嚟愈穩定，個人IG 不時晒恩愛。

拍完劇集《鐵馬尋橋》結成鐵馬家族定期聚會，呢三年次次同鄭嘉穎伉儷、馬國明、唐詩詠仲有林子善等人團拜或聚會，都會見到嘉樂帶埋Samantha一齊出席。

黃嘉樂拍拖多年話題不斷識做男友聽晒女友話

男女朋友去拍拖，就算係黃嘉樂同Samantha，其實來來去去都係行街食飯睇戲嗰啲指定動作。日前就見嘉樂同Samantha去咗IFC過日辰，去到商場先去食肆醫肚，拍拖咁耐依然話題不斷，見嘉樂望住女友不停笑，睇到都戥佢開心！醫完肚行去買戲飛，趁電影未開場，時間校得啱啱好，仲可以一齊去連鎖店買吓新衫裝吓身。雖然係買衫畀自己，嘉樂樣樣都問女友意見，都未娶過門已經聽晒對方話。買完衫心滿意足，二人十指緊扣行去戲院，冤氣到呢！

拍拖三年仲認埋有結婚計劃，黃嘉樂呢日有假放又同女友 Samantha 孖公仔拍拖去咗 IFC 撐枱腳。

以往接受訪問經常將女友掛喺口唇邊，黃嘉樂全程飯局同女友有講有笑，sweet爆！

女友一聲令下，黃嘉樂即醒目埋單走人。

原本已買飛睇戲，但見仲有時間剩，二人手拖手行去連鎖店買衫。

睇啱款式，黃嘉樂都會徵詢女友意見。

極速掃完貨，黃嘉樂又拖實女友去睇戲，高調晒愛。

將來還有什麼演唱會值得留意？

有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞