40歲徐子珊富貴上岸享受單身生活 賣車賣樓決心不再回港

撰文、圖片：東方新地

徐子珊賣樓賣車移居澳洲貝沙灣物業放售賺千萬

近年幕前工作不多，不過徐子珊生活質素未變，日前平安夜，她公開宣布為了到歐洲攻讀心理學博士，將會賣樓賣車，移居歐洲告別娛樂圈，據知她亦已坐言起行，委託地產代 理把手上持有的貝沙灣物業以二千六百萬港元放盤，可是半個月前同區同類型的物業成交價僅為一千八百萬港元，換言之徐 子珊所開出的價錢比市價高出不少，到價再放唔急套現。

據知情者說：「Kate就算賣唔到層樓佢都一樣會走，佢呢個決定好早已經有，四年前佢連影迷會都解散埋，根本一早都唔想再撈幕前，香港地方細，佢出街撞口撞面都有人認得，所以佢想去外地過新生活，當然唔排除係想去一個冇人認得佢嘅地方拍拖啦！依家佢打算去荷蘭或者德國，呢兩個地方都比較冷門，冇乜香港人。」

素顏現身中環鬧市放棄昔日戰鬥格享受單身生活

正在準備賣車賣樓完全撤離香港飛走的徐子珊，早前現身中環鬧市，本刊記者見她駕駛著其歐洲房車，在咖啡店買了一杯咖啡坐在車廂內慢慢享受，之後更落車掉垃圾。多月冇公開露面的徐子珊身穿白色恤衫連身裙，腳踏白鞋似足白衣天使，身形比之前清減了，素顏依然吸睛，期間她發現記者，更友 善地絞低車窗打招呼，表示自己正打算駕車返家。

過去大多數圈中女星宣布息影，原因不外乎結婚生仔，40歲的徐子珊竟然說是太鍾意讀書，所以要離開香港專注讀心理學博士，似乎難以令人信服，雖然她堅決地說連屋都賣埋可以唔再返香港，但女人始終都係要搵個好歸宿，希望佢一個去，兩個、甚至三個返，名正言順上岸收山。