另類升呢！40歲胡杏兒拍成人護理用品廣告 「有尿滲不用羞恥」

原文刊於《東方新地》

胡杏兒感恩非常時期依然有工作

杏兒自言喺呢個非常時期好感恩依然有工作，提到拍尿滲護墊廣告，佢話一啲都冇尷尬：「其實尿滲係不論任何年紀，又或者生育之後嘅女性都可能會遇上嘅情況，係一個正常同普遍嘅問題，大家唔需要覺得羞恥而唔去面對，有需要用到尿滲護墊係好正常嘅事。」

可愛囝囝遺傳杏兒基因表演慾強

拍攝期間，一向樂觀嘅杏兒更於現場大放正能量，令劇組充滿歡樂氣氛。工作開心，私底下又有兩個可愛囝囝不時帶畀佢歡樂，杏兒笑言：「好感恩大家喜歡Brendan同Ryan，佢哋都係happy baby，所以我哋拍咗好多片share出去希望將呢份快樂傳畀大家。最近Brendan學識跳〈江南style〉，識跟拍子同擺pose，可能真係遺傳咗我嘅基因，哈哈！」

40歲Deep V 胡杏兒 馬爾代夫旅行大晒水著照

要享受陽光與海灘，唔一定孖honey去至開心，同一班閨密姊妹組團去一樣咁正！好似「胡說八道會」一班好姊妹胡杏兒、胡定欣、姚子羚、胡蓓蔚、李施嬅，難得相約到馬爾代夫旅行，全程吃喝玩樂勁開心，又派福利大晒水著照，胡定欣更大解放半裸上身露半球，擺明show off晒命！

兩子之母胡杏兒唔輸蝕 deep V上陣大騷長腿

而好姊妹胡杏兒亦以deep V 泳衣上陣大騷長腿，雖然冇定欣咁激，但作為兩子之母，仲keep得咁fit，係索嘅！