40歲徐子珊離巢大台更好發展讀書做生意瓣瓣掂成功變富婆

Jan 6 2020

徐子珊在平安夜突然宣告退出娛樂圈，兼賣車賣樓打算離開香港移居外國，大家感到驚訝之餘，也開始回想當年這位4料港姐15年來的發展，當年她被受TVB力捧，可惜一直未能得到視后寶座。意興闌珊離巢後，回歸校園並發展自己事業，成功闖出一片天！所以話，唔靠大台一樣可以好成功。

撰文、圖片：東方新地

徐子珊入行15年四棲發展約滿後意興闌珊離巢

徐子珊一出道就是人生勝利組，04年選港姐獲得冠軍、修身美態獎、最上鏡小姐及國際親善小姐四項大獎，之後簽無綫受力捧，不出三年已獲無綫萬千星輝頒獎典禮「飛躍進步女藝員」獎，之後歌、影、視、廣告四棲發展，徐子珊早已是當家一線花旦，不過當四度角逐視后都落敗，徐子珊知道要成功就要靠自己本事。當年正值花旦爭崩頭年代，徐子珊與胡杏兒、楊怡及鍾嘉欣鬥得精彩，結果楊怡與胡杏兒都先後封視后，而徐子珊則原地踏步，到15年約滿，徐子珊被指意興闌珊離巢。

徐子珊憑《學警出更》及《舞動全城》奪07年萬千星輝「飛躍進步女藝員」獎，12年憑《雷霆掃毒》獲「最受歡迎電視女角色」，視后落在楊怡手上。

離開無綫後，徐子珊 17 年再為邵氏拍網劇《守護神之保險調查》，這套劇是她息影前在港的最後之作。

近年徐子珊不用為生活而奔波，閒時在社交網晒外遊照，但就曾被網民指「變咗蛇精女」、「P到過晒火」。

離開大台唔憂做瞓身做自家品牌生招牌

知情者透露：「Kate（徐子珊）16年話就話簽王祖藍發展國內事業，其實佢幾個月先接一個job，其餘時間都係周遊列國，班friend個個都問佢係咪搵到個好碼頭準備上岸嫁人，佢又話唔係。依家仲索性宣布退出，肯定有後路先咁講啦！」

徐子珊於 16 年簽約王祖藍工作室旗下，早前約滿後已不再續約，身為前經理人的王祖藍回應時表示徐子珊是個好有想法、好學、有追求的女仔，踏入人生另一階段，追尋夢想是一件好事，衷心祝福她。

簽王祖藍的工作室三年，徐子珊工作量十隻手指數得晒，在國內拍過一套古裝劇，又參加過《新舞林大會》， Hea 住做一樣可以富貴過生活。

徐子珊離巢後鮮有曝光，她走去報讀珠寶設計課程及心理學碩士學位，揚言自己是半工讀，不過初學珠寶設計同時卻在16年投資近百萬創辦自家珠寶品牌Kate Tsui，雖然只是網店，但徐子珊的珠寶首飾絕對唔平，走高檔路線唔係平民買得起，她更親力親為，做埋生招牌影性感廣告相吸客，不過其珠寶公司的IG在17年12月已停止更新。