38歲譚凱琪谷胸婚照首度公開香港取景長裙配長靴仙氣滿瀉

新假期 - 影視

Jun 9 2020

廣告

譚凱琪（Zoie）由拍拖到結婚都相當低調，2月時被揭與圈外有米男友莊日宇入紙登記註冊結婚，事件曝光後Zoie在社交網宣布跟拍拖八年男友拉埋天窗，3月低調結婚，只有少數圈中閨密獲邀出席，貫徹其低調作風，連婚照都依家先貼出，著上低胸紫色禮服的Zoie上圍連升兩級，又一個圈中索爆人妻﹗

原文刊於《東方新地》

38歲永遠童顏譚凱琪，穿上低胸晚裝，上圍連升兩級。

一生人一次，譚凱琪谷胸影婚照，以婚紗禮服配長靴，造型破格，又靚又有型﹗

譚凱琪3月低調出嫁

38歲譚凱琪入行廿年，緋聞少之有少，只跟丁子高拍過拖，感情事向來甚少提及，同有家底的莊日宇拍拖八年來亦都相當低調，2月被傳媒發跟大自己一歲的圈外男友莊日宇入紙登記結婚，其後Zoie才在社交網公布喜訊，由於新冠肺炎關係，未有大排筳席只邀請至親好友出席婚禮。升呢人妻三個月，Zoie才將唯美婚照首度公開，穿上紫藍粉色系的婚紗禮服，激罕低胸示人的Zoie，立即連升兩級，吸睛度爆燈。

低胸配白滑肌膚，引死人咩﹗

仲有晒靚背

婚照在一大片枯乾草原拍攝，加上譚凱琪的有型post，又有另一番味道﹗

有型又得，甜美又得﹗

為了營造層層紗裙的飄逸效果，動用三人在拎起裙尾不停擺動﹗ — 為了營造層層紗裙的飄逸效果，動用三人拿起裙尾不停擺動﹗

有米老公經續玩神秘

譚凱琪公開了三個造型，除了粉紫低胸蛋糕裙之外，大玩復古造型，用上絲巾包頭、名牌古著手袋以配合，露出香肩未有低胸，但就露出一雙纖幼白滑靚腿，無論相片及片段中，都未有見到老公的身影，唔知以為Zoie去影造型照。雖然繼續將老公容貌保持神秘，但譚凱琪對老公就讚不絕口，之前在訪問中曾大讚老公為人浪漫又細心，拍拖八年仍會花心思氹她開心，最開心是Zoie一直跟家人關係親密，連帶影響老公愛屋及烏，老公亦受她影響而重視跟自己家人的關係﹗

瞇起眼一樣迷人

另一造型是西裝配長紗裙，露出一對白滑靚腿。

名牌皮帶加手袋以配合造型﹗

團隊租了一架大型越野車做道具，製作認真又大陣仗。

包上頭巾，大玩復古風。

似雜誌封面多過婚照，但影得Zoie真係好索﹗

兩個化妝師侍候。

整個拍攝團隊約八人，相當大陣仗。

被踢爆入紙登記結婚，向來對感情事低調的Zoie在社交網公布喜訊，老公只有一隻手同個身出鏡。

到大喜之日，老公繼續冇得出鏡，保持神秘﹗因受新冠肺炎影響，未有大排筳席，但儀式做足，穿上裙褂出嫁，只有很少圈中好友被邀出席。

將來還有什麼演唱會值得留意？

有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

資料或影片來源：原文刊於東方新地