37歲蔡卓妍演藝事業再創成就 獲封雙料影后視后

撰文、圖片：東方新地

蔡卓妍獲封雙料影后視后 願挑戰更高難度角色

阿Sa分別憑電影《非分熟女》及電視劇《 PTU機動部 隊》獲頒最佳女主角，歷史性兼得影后與視后殊榮，她稱澳門向來是她的福地：「我嘅公公婆婆曾經喺澳門生活咗一段好長時間，我每次去到澳門，無論表演或者攞獎，都感覺到喺天上嘅公公婆婆守護住我，今次得獎別具意義。」

阿Sa近年不斷 挑戰高難度角色，對獎項抱隨緣態度：「入行多年，試過各項提名，都攞過一啲獎項，證明業界同觀眾對自己嘅肯定，獎項永遠無得預測，我會努力去演好每一個角 色，因為自己真心鍾意演戲！」談到近期的健康狀況，阿 Sa 表 示：「之前一直覺得下巴腫腫，以為肥咗，後來去照磁力共振，結果係淋巴囊腫，有兩粒嘢黐住口水腺位置，好彩唔係惡性，希望盡快康復。」

任達華奪劇集最佳男配角麥兆輝獲最佳導演獎

至於憑劇集《破冰行動》榮獲最佳男配角獎的任達華盛裝赴會，華哥開心表示感恩：「最重要多謝導演，仲有劇中演員吳剛、王勁松，同埋飾演我個仔嘅黃景瑜，有佢哋先會有我呢個角色。」

而憑《廉政風雲煙幕》獲最佳導演獎的麥兆輝，坦言最想多謝英皇老闆楊受成：「若非同楊老闆相識多年、合作無間，都唔會有《廉政風雲煙幕》，呢齣戲對我嚟講意義非凡，以往我一直同好多導演合作，而呢齣就係我一個人嘅導演作品，自然別具意義。」