360秒人生課堂｜車志健Brian Cha做嘉賓被瘋狂批評 林盛斌迫住開Po洗白

《360秒人生課堂》22日周五播出

Brian Cha車志健在社交網預告《360秒人生課堂》22日（周五）播出：「如果有一日，個天同你講…你只係得返6分鐘，之後就要離開世界…呢6分鐘所講嘅嘢…隨時會為好多有需要嘅人帶嚟啓發，甚至會傳承到下一代…」Brian Cha預告以一個「特別嘅題目」去分享人生經歷及獨特睇法。

Brian Cha預告播出後被瘋狂批評

自本周初Brian Cha車志健的播出預告後，不少網民畀嬲兼負評﹗主持Bob承認搵Brian Cha的確具爭議性，為何仍冒險搵他，聽聽佢解釋﹗不少網民指不會收看「會跳咗唔睇今集」、「講完一輪最尾凵你買堂」、「呢條友只係催毀你自信心，再洗你腦」、「Bob你瀨嘢﹗」等等。

Bob：希望令你重新認識佢

有見網民反應熱烈，Bob都有在社交平台為節目洗白：

今晚，其中一位演講嘉賓係 Brian Cha，
冇錯，即係之前有報導話上佢堂要幾萬蚊，
同埋叫Kelvin quit YouTube嗰個。

我知道有啲朋友會覺得佢好有爭議性，
佢鋪天蓋地嘅廣告有人或者會覺得好煩，
所以部份網民都好鍾意特別關注同招呼佢，
因此唔少人睇到宣傳片之後都有問我點解會搵佢？

其實今次我哋嘅節目係一個演講類型節目，
同埋希望嘉賓嘅故事可以畀到觀眾一啲正能量，
我認識嘅Brian係一個好出色嘅激勵演講家，
而佢過去高低起跌嘅經歷亦都係非常有啟發性，
我幾相信佢嘅出現係會帶到一啲正面訊息畀大家。

當節目錄影完畢，有幾個工作人員走嚟同我講：
「條鬍鬚仔好似真係有啲料到咁喎！」
我就覺得我應該冇搵錯佢做今次節目嘅嘉賓。

可能你對佢曾經有某啲特定嘅假設同想法，
但係睇完佢嘅演講，希望有機會令你重新認識佢。

借另一嘉賓過橋﹗？

Bob又指Brian Cha一集中還有另一位猛料演講嘉賓，就是著名嘅電影編劇阮繼志先生，「眼淺嘅朋友記得尾段拎定兩張紙巾，我喺現場睇嘅時候真係頂唔順，好癲！」 阮繼志形容自己人生經歷如「心電圖」，無數高低起跌的人生，要「屢戰屢敗」的阮繼志並沒有被奪走他樂觀的性格及鬥志。阮繼志以已故填詞人黃霑經典作品《家變》的一句歌詞「人間的波折，經得起挫折，始終都會不枉此生」為演說作結，為聽眾帶來反思及鼓勵。

相關文章：編劇阮繼志事業高峰遇車禍斷足 經歷改編成張家輝電影

Brian Cha2020年忽然爆紅

Brian Cha車志健2020年因為「激勵課程」的老是常出現的網上廣告令聲名大噪﹗他標榜自己是演講家、創業家，其創立的BCM在社交網簡介，是為團隊專門幫助生意老闆、銷售團隊領袖和導師爆發業績，設立市場壟斷策略﹗

Brian Cha出生基層 木屋區長大

Brian Cha曾在訪問中透露兒時居於在木屋區，爸爸是一個貨車司機，媽媽是車衣工人，指自己可以讀大學，全靠相熟茶客夫婦無私贊助，1996年美國夏威大學畢業後（營養學系）返港成為健身教練，但再努力收入都相當有限，令他一直想在同行中突圍，有朋友建議他去破世界紀錄去提高知名度，而Brian Cha最初認為冇可能，但朋友這番說話卻啟發了他內在潛能。

打破3項世界紀錄

Brian Cha車志健在2013至2015年間創下三項世界紀錄，包括12小時內打最多高爾夫球到100碼外（9,959個）、連續12小時內最多上籃入球（73,900次）、連續24小時以腳踏車發最多電力（31,399.31瓦時）。

誓做有影響力的人 一句「Quit Youtube囉﹗」揚名

Brian Cha創下第一個世界紀錄後獲邀任演講嘉賓，獲不少人詢問他會否開班教人如何突破自己﹗經過三次破世界紀錄後，他決定創業，建立了一個以走路換取金錢的手機應用程式，最後失敗令他負債4百萬。但Brian Cha未有放棄，決定運用一套致勝的思維模式，誓要成為一個全世界最有影響力的演講家，2016成立Brian Cha Motivation（BCM），開辦網上教學的行業﹗2020年每月以六位數巨額在YouTube賣廣告，大大增加曝光卻被網民嫌煩及抨擊，他在廣告及直播中叫反對者「Quit Youtube囉﹗」一時成為佳話，因而令人氣大旺﹗

Brian Cha係李施嬅未來大伯﹗神密未婚夫車崇健曝光﹗

李施嬅上年忽然在社交網晒出兩張戴著巨型鑽戒的相片，宣布喜訊。由拍拖到訂婚都把男友收得咁密，但就因由加國返港完成隔離，急不及待見未婚夫，因而令未婚夫身份曝光，原來未婚夫大有來頭，他是周潤發與郭富城的健身教練車崇健（Anson Cha）﹗Anson被指有過千萬物業，而且被揭是車志健Brian Cha的胞弟，李施嬅回應時並未有否認，不過就唔想多講未婚夫的私事。

Anson在Brian的家庭合照中出現

Brian Cha的中文名是車志健；而Anson Cha的中文名是車崇健，名字只差一個字很相似。在Brian上載的生日相片中，相中人也跟Anson Cha相當神似，網民推斷是同一個人，再加上Brian在19年為父親慶祝72歲生日時，一家四口的合照中，身穿紅色T恤的男子像極Anson，故Brian與Anson是兄弟的成數非常之高。對於未婚夫Anson的哥哥正是Brian Cha，李施嬅回應：「有傳過，但唔回應！」她說有關Anson的屋企及工作都想留空間給他，指二人之間的事可以講，其他就不會回應。

被《IT狗》影射 Brian Cha激動回應

在ViuTV劇集《IT狗》第十集入面，最尾驚現一段網民熟口熟面嘅畫面，由周祉君飾演的角Lou出現在電腦屏幕，講出一段激勵人心嘅說話，網民口徑一致，稱此段正正影射了Brian Cha！但勢估唔到，Brian Cha真係有睇《IT狗》仲回應！

Brian Cha堅持以廣東話演講

Brian Cha以「雙手創造自己命運」理念，為企業老闆、行銷業行業提供商業顧問，2019年獲HKMA香港管理業協會邀請成為2019年「傑出推銷員獎」的銷售培訓導師﹗並曾推出八本著作去鼓勵不同行業的人去達至成功，但就一直「堅持」以廣東話去演講及教學，

重溫：Brian Cha成功背後嘅「人生哲學」

有用開YouTube嘅人都應該識得邊嗰係Brian Cha，曾經有一份正職嘅佢，竟然因爲睇完一條片就走咗去做激勵演講家？即使面對家人嘅反對，事業亦都要由零開始，佢都堅持佢呢個決定，因為佢同自己講: 「我信我可以」。我相信大家只要記得呢一句，距離成功將會近一大步。