36歲關楚耀搭上IG空姐女神 眼利網民：「個樣又唔同咗？」
廣告
聲稱單身嘅關楚耀早前被傳媒踢爆有個網紅空姐女友，不過佢一直無正面回應。緋聞女友原來都唔係普通人，係IG有成9萬幾followers嘅網紅女神！人靚是非多，之前已經被網友質疑佢用A貨名牌，最近IG嘅相同真人又差勁遠，不過有男友錫，佢應該都唔會care網民點睇嘅。
撰文、圖片：東方新地
關楚耀錫住空姐女友 做司機車女友去機場
舊年傳出搭上IG網紅兼空姐Joann Law，關楚耀從來冇正面回應、又唔願公開放 閃，不過做訪問周不時都會透露目前身邊有伴。到底另一半係唔係Joann？謎底終於解開！日前關楚耀架座駕被發現喺機場快線落客位出現，九秒九時間放低咗位乘客後極速 離開。邊個落車？之唔係著住空姐制服「又要飛喇」個網紅女友Joann囉！其實郭富城、 吳卓羲幾多男星都係開車送女友去機場被揭發戀情，落一落客雖然快過閃電啫，不過關楚耀咁都肯冒險，睇得出佢好錫呢任新歡嘅！
被網民篤爆用A貨晒命 新女友驚變女版「蛇精男」
曾任模特兒嘅佢現職空姐，仲係一名網紅KOL，她的IG上有9萬4千多名粉絲，同Kelvin的9萬6千名粉絲數目差唔多。Joann早年做過model，睇番佢當年幫公司影嘅官方照，再對比一下依家嘅樣似乎真係女大18變，鼻樑直過間尺，仲有V煞臉，最恐怖係貪靚嘅Joann早年喺IG同微博post相，話瘦係餓出嚟，瘦到背脊骨突出，仲練成「牙籤手」、「牙籤腿」！
除咗女版「蛇精男」事件，不時有網友開post話Joann成日係網上曬命，話佢唔使做但成身名牌，經常換名牌袋，更有網友質疑佢係用A貨！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
