36歲C君娶 DJ 女友黃天頤 黃子華、Do姐到賀勁過台慶

圖文：東方新地 IG@ckwancheng、tinyeewong、ig@do_do_cheng

今次C君結婚，特別邀請了子華男神同Do姐，可以話係世紀合體！一班網民都話好掛住《男親女愛》嘅Miss Mo、阿 Lok啊！Do姐更喺IG表示好耐冇去飲，睇嚟佢真係好錫C君，特登捱眼瞓！

洪永城、蕭正楠、陸永同黃翠如做兄弟團

接新娘的早上，仲有洪永城、蕭正楠、陸永同黃翠如做兄弟團，唐詩詠仲做大妗姐添！

深情C君發言 「有了你，連刷牙都好精彩！」

C君深情起嚟，威力都真係唔嘢小呀！希望你有佢真係會開心啲，乜都稱心滿意啦！ 一定要幸福哦！

反傳統影暗黑婚照

二人早前飛到日本富士山河口湖拍攝婚照。一向古靈精怪、諗頭多多嘅C君，影婚照都要唔同過人，一反傳統以全黑禮服造型上陣，搞搞新意思！

今次C君同天頤破格以全黑禮服造型亮相，天頤解釋:「我一直覺得婚紗係結婚當日先著，pre-wedding可以揀自己鍾意嘅衫。同埋C君成日強調輯相主題得兩個字，就係開心，如果著婚紗影相好難開心，又窄又顧住有冇走光又要縮肚。」一對準新人只花大半日影相，雖然快、靚、正，但C君卻指行程比起同Do姐(鄭裕玲)拍旅遊節目時嘅calltime更早，要晨早6點完成化妝set頭出發，即係天未光凌晨4點就要起身梳洗。不過幾辛苦都值得，C君對呢輯婚照非常滿意，佢話成個過程中，最考起佢哋就係要深情對望:「因為要喺第三者面前做親密舉動，真係好尷尬，加上一對望就忍唔到笑。從來冇自己畀錢影相，只有收錢影相，畀錢影相仲要聽人點。」成家立室大個仔喇，快啲生番個B氹外母開心啦！