35歲徐淑敏生三女仍少女味濃 陪女度假保鑣護送勁大陣仗
廣告
一排無見徐淑敏(Suki)，最近畀記者撞到一家人陪女度假。35 歲生完三個，Suki依然皮光肉滑keep到身材，嫁著個好老公黃浩做少奶，加上醒目女自己搞生意又賺咗筆，Suki真係人生勝利組！
撰文、圖片：東方新地
徐淑敏做女強人CEO賺夠繼續做闊太
徐淑敏由屋邨港姐搖身一變成為黃浩身邊嘅闊太老婆、由三女之母變學珠寶設計師又創辦護膚品牌成為女強人CEO，去年Suki將旗下品牌以8位數字出售，賺完一大筆後再次歸隱回歸慈母生活專心湊女。
夫婦陪女度假 保鑣護送勁大陣仗
好耐冇見，Suki原來都支持留港消費，日前帶埋三個女去到黃金海岸參加酒店主辦嘅兒童主題活動順便留宿一晚，而廿四孝老公兼爸爸黃浩亦都百忙中抽空陪吓老婆同幾個女隨團參加。一家人玩完一晚翌日check out離開，兩公婆加三個女、隨行仲有奶奶黃媽媽及黃浩家姐，再加埋三個黑人保鑣同外傭，何其人多勢眾浩浩蕩蕩！
徐淑敏出嫁10年 生完三個仍少女味濃
講開又講，出嫁10年，長女Vianna眨吓眼都已經九歲半拍住媽媽膊頭，35歲 Suki依然保養得宜，皮光肉滑又手腳纖細，隨意一件T配貼身牛仔褲再紮起個馬尾，竟然仲有陣少女味！三個女都大，唔知幾時又起抱B癮，追番個仔呢？
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
關鍵詞
徐淑敏
