35歲岑麗香唔憂柴米為囝囝唔接job 一家三口玩cake smash勁溫馨

原文刊於《東方新地》

岑麗香唔憂柴米 為囝囝唔接job無所謂

香香同老公都喺外國長大，鬼聲鬼氣唔在講，就連囝囝1歲生日都玩味十足，整咗個cake smash儀式！夫婦二人坐喺囝囝身後，見證住Jacob將蛋糕解體，搞到成身都係忌廉，Jacob流露出一臉為食樣，畫面開心惹笑！香香笑言：「佢依家得一歲未知係咩嚟，佢未食過蛋糕，所以畀佢試吓、任佢玩，玩到污糟晒！」其後香香仲幫Jacob洗白白，又抱住錫錫囝囝，非常溫馨！家陣香香事事以囝囝行先，出外工作更會做足防疫措施：「入屋前會好好消毒，鞋會擺出邊，門口有蒸汽機蒸衫，消毒全身後先探個頭入去BB房。」為咗Jacob，香香話會避免外出唔介意減少工作，冇所謂啦，金融才俊老公「強強」搵到，早前購入二千萬豪宅大把貨，香香印印腳做少奶奶都得啦！

最美孕婦香香孕照回帶！

一向靚爆嘅岑麗香（香香）自從懷孕以嚟都明艷照人，懷孕期間佢都有繼續接 job，早前香香出席品牌春茗，著住低胸粉紅色豹紋孕婦裝，面形、身材都比之前微胖，不過依然係個大美人。

陀B首個情人節當日，香香就在社交網分享由Olivia Tsang操刀拍攝的美麗孕照，香香留言：「To my forever best friend, I’m so lucky that God gave me the best partner in the world! I pray our little guy will grow up to be just like his daddy!（給我永遠最好的朋友，我很幸運，上帝給了我世界上最好的伴侶！我祈求我們的小朋友長大後，會像他爸爸一樣。）」 香香仲加咗「 #happyvalentinesday💙#itsaboy!」兩個hashtag，原來香香陀住小強強啊！恭喜晒！

岑麗香 陀巨肚去春茗

懷孕7個月嘅香香著住高踭鞋，著住一襲低胸粉紅色豹紋孕婦裝，而且仲頂住一個巨肚，一出場就已經成為全場焦點！當晚有差唔多將近100人要求同佢合照，當中包括好多名人，例如著名公關鄭紹康、時裝設計師何國鉦、陳法蓉等等。香香來者不拒，任影唔嬲，絕無架子！

坦言變大食媽媽

現時懷孕7個月的香香，上星期出席由王祖藍首次執遵的歌舞電影首映禮時，不怕危險仍然穿上高跟鞋，不過香香非常小心，行路都有人扶，問到老公強強會否擔心她外出工作，香香笑言老公非常放心：「佢覺得我就算大肚都要同社會有接觸、交流，間唔中做吓嘢都OK，小心啲就得。」

岑麗香 陀B六個月罕有索爆晒線

岑麗香喺個人社交網公布成功有喜，陀B唔經唔覺都已經有6個月！日前，香香罕有上載兩張自己著住粉紫色低胸裙嘅個人相，騷出事業線，超級養眼！