34歲雨僑疫世陀B大挑戰 33歲羅力威學做煮飯公

新假期 - 影視

Feb 20 2020

廣告

羅力威同雨僑結婚就快兩年，結婚無聽雨僑就要離港工作，兩公港連蜜月都無機會度。之前終於補番蜜月旅行，老公羅力威幫老婆影咗唔少性感靚相。佢哋兩個一直都恨生B，雨僑婚後都已經搵咗唔少資料，最近終於成功造人啦！

撰文、圖片：東方新地

雨僑疫世陀B大挑戰

日前終於宣布成功造人，將由二人世界變成三人行。準爸爸羅力威表示非常感動，但同時間因為武漢肺炎疫情而擔心太太同BB嘅健康，自言疫世陀B對佢哋嚟講係一個大挑戰！

羅力威同雨僑正式宣布走進人生新階段，做好準備迎接小生命來臨！

二人同時 po 出小時候舊照緬懷一番，雨僑話生仔生女都冇所謂。

首次做爹哋嘅羅力威當然緊張，面對近日疫情嚴重，阿威都難免擔心：「好擔心呀，但老婆呢段時間都好堅強，好叻，而我都會盡最大嘅能力去照顧太太，幫忙處理家務，例如煮飯、煲湯、整糖水咁，最緊要太太開心同希望平安健康。」至於現已陀B三個月嘅雨僑就話多得老公細心照顧：「呢段時間冇乜出過街，由老公煮飯，佢真係完全唔識，不過佢好努力，進步咗好多。」有個咁愛錫自己嘅老公，雨僑好幸福啊！

懷孕令雨僑口味有所改變：「依家日日唔同口味，但主要都係食酸嘢開心啲。」

喺 IG 公告喜訊，獲一眾圈中好友留言祝賀，羅力威笑言將來會想為BB 寫歌，又想寫歌去讚揚老婆，佢仲話已經準備好做一個好爸爸：「我希望可以同小朋友好似朋友咁相處，親近多啲令佢開心成長。」

陀B暫時收起性感回味蜜月旅行靚相

大肚之後應該都要暫時收起性感，好彩之前蜜月旅行期間，老公羅力威算唔話得，係咁幫老婆大人喺大太陽底下影靚相，等大家可以一飽眼福！

關鍵詞

羅力威雨僑