33歲高海寧被網民發現走樣急修身 瘦身不瘦胸扭蛇腰晒舞技
廣告
愛情失意事業得意就係呢種，今年初高海寧同相戀五年嘅前無綫音樂教父鄧智偉分手，不過喺無綫就劇接劇仲要套套擔正，今年由六月睇佢睇到九月，《殺手》、《迷網》、《反黑路人甲》、《 C9特工》全部都係佢做女主角，當家花旦地位毋庸置疑。
原文刊於《東方新地》
高海寧被網友發現走樣
講開早前熱播劇《反黑路人甲》，唔少網友發現一向fit到漏嘅高Ling竟然面圓圓有啲走樣喎！其實套劇就舊年年頭拍落，自稱屬易肥易水腫體質嘅高Ling當時的確頗肥，更曾因為減肥問題搞到鬼剃頭，幸好最後佢依照無鹽、無糖、無油減肥餐單，再加上適當嘅運動雙管齊下，一早已回復最佳體態！
瘦身不瘦胸 扭蛇腰晒舞技
唔信？即管follow吓佢個抖音睇吓！甚少跳舞嘅佢最新上載一條晒舞技短片，著上貼身白色上衣露出纖腰跳咗part性感舞，雖然舞姿生疏最後仲要忍唔住笑場，不過重點係面尖尖腳長長，當年蛇腰番晒嚟仲要上圍keep住巨咪，狀態大勇，一早將前度拋諸腦後啦！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
資料或影片來源：原文刊於東方新地
