31歲許亦妮貪靚生B前植眼睫毛唔請陪月自己搞掂

新假期 - 影視

Feb 13 2020

廣告

31歲港姐許亦妮（現改名許芷熒）去年9月與圈外男友Alex結婚，婚後1個月即宣布有喜，本月2 日誕下6磅B女Kayli Jane，乳名叫「馮寶寶」。

撰文、圖片：東方新地

許亦妮唔請陪月自己搞掂

許亦妮表示分娩過程既順利又輕鬆：：「馮寶寶在老公、醫生、麻醉師的笑彈下出生，只是醫生告訴我見到BB頭仔時我就開始哭了，聽到Kayli Jane出來了大喊，我更忍不住流眼淚。」第一次做媽咪當然好緊張，不過許亦妮決定唔請陪月：「因為疫情嚴重，所以陪月都取消唔用了，自己做自己陪月，幫囡囡拍了超過一千張相。」非常時期少個人喺屋企減少感染機會，未嘗唔係一件好事。

許亦妮讚老公呢個新手爸爸值100 分，要照顧佢又要包辦囡囡換片、餵奶、掃風，完全超晒班。

新手媽媽許亦妮自言為以母乳餵 B 女要好好休息，希望可製造更多黃金初乳。

貪靚生B前植眼睫毛

「馮寶寶」一出世，許亦妮都忍唔住同囡囡合照，就算啱啱生完，鏡頭前嘅佢仍然有一對醒神大眼，原來佢生B前已經做好準備：「我呢個貪靚媽咪生BB都貪靚！一早問定醫生可唔可以植眼睫毛，希望同BB嘅第一張相都可以靚靚哋」貪靚果然係女人嘅天性！

許亦妮笑指老公已成為癡漢，每分每秒想要望實 BB 。

許亦妮指6日大嘅囡囡已經識得笑， Kayli Jane好可愛，五官似足媽咪。

許亦妮生B前植眼睫毛，所以生完一刻已經可以靚靚見人，果然做足準備！

關鍵詞