28歲何超蓮出巡被集郵留家抗疫IG出Po呻肥圖文不符

Apr 22 2020

廣告

知名度拍得住一線明星、IG將近60萬粉絲、仲有顏值都高過唔少所謂女神小花，其實何超蓮一早已經唔係名媛界何家千金咁簡單，何家巨星至真！

原文刊於《東方新地》

何超蓮出巡被集郵有求必應

成為巨星其中一個指標，就係備受愛戴，連fans都仆倒去集郵。日前超蓮出席活動，完場都會應酬吓啲fans，傾吓偈又影埋合照呢啲係例牌。有一樣嘢認真唔話得，唔少明星口不對心假友善，但係超蓮就有求必應，fans影完合照人都走埋，佢依然掛住招牌甜笑，一啲都冇唔耐煩嗰吓最可愛，抵佢咁受歡迎咁多人錫啫！

知名度高過好多明星，又籌辦唔少慈善活動，所以超蓮經常獲邀做活動嘉賓同產品代言嘅熱門人選。

活動完畢，臨走前被粉絲捉住傾偈影合照，超蓮亦冇托手踭。

某啲明星鏡頭前後兩個樣，但超蓮影完相fans轉身走埋，仲係掛住笑容，抵佢好人緣又多人鍾意。

顏值爆燈超蓮索到一個點，舉手投足都有巨星風範。

留家抗疫IG出Po呻肥圖文不符

話時話，時勢所逼，人人居家抗疫停工停學避人群，個個都話食得多郁得少呻增晒磅走晒樣，日日出po嘅超蓮都呻埋一份……不過嚴重圖文不符，下巴仍然好尖，雙腳又長又幼，說好的肥咗呢？呢啲咪得天獨厚，真係恨都恨唔嚟！

好耐冇自拍嘅超蓮剛po出最新自拍圖片，亮點係頂帽啲字：「已有男友，賊帥！」閃爆！

雖然少咗出街，不過超蓮就好勤力update社交網貼吓舊相，騎住馬仔身形明明fit到漏，都話自己睇落好肥。

冇得出埠即係同男友竇驍都冇得見，超蓮醒呀，做運動都要facetime遙距晒恩愛。

何家千金得天獨厚，樣靚身材正，真係羨慕死人！

將來還有什麼演唱會值得留意？

有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞