26歲「威龍潘金蓮」梁茵忘記「短訊撩女」渣男 猛男接收工疑再闖情關
廣告
無綫處境劇《愛‧回家之開心速遞》出名靚女多，飾演「威龍潘金蓮」Anita嘅梁茵就係成功跑出成為新一任網民女神。叫得女神當然多人 like，最近本刊記者就影到有猛男去電視城接收工，唔通女神好事近？
撰文：東方新地 圖片：東方新地、梁茵IG
梁茵有猛男接收工
其實除咗有樣有身材，演藝出身又係何廣沛藝訓班同學嘅梁茵演技有功架之餘，亦都係孝順女知慳識儉照顧病母，咁多優點美德集於一身，多人追又有幾奇。日前喺電視台收工，就見到梁茵扮到靚一靚著住短裙仔，一出門就有猛男出動私人座駕一早停定喺電視城門口等收工。不過上次拍拖自稱遇上短訊撩女渣男，今次再闖情關，的確唔使急住公開，要睇定啲至得！
曾與「短訊撩女」渣男拍拖
靚女自然多人冧，不過同時都容易受傷，梁茵早前大爆對情人節有陰影，因為多年前曾經發現拍拖一年幾嘅男朋友，同另一個女仔互傳甜蜜短訊，一開好佢都忍住無出聲，仲幫男朋友搵藉口，後來都係要忍痛喺情人節前分手，真係陰公豬！不過梁茵仲後生，大把機會搵到真命天子！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
