193@ERROR罵網店客人文盲遭連登網民聲討霸氣回應：唔鍾意咪唔好關注我囉﹗

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Sep 2 2021

193@ERROR昨晚與一眾連登仔展開連番罵戰，連登的熱門到娛樂台，甚至潮流台等，標題通通都是圍繞著ViuTV旗下藝人郭嘉駿（193），但原來整件事的起因全由一頂帽開始？！究竟事情始末是怎樣，現就同大家一齊看看吧！

編輯：東方新地｜圖片：193@IG、lilaboc.co@IG截圖、連登討論區截圖｜原文刊於：新Monday

經營網店遭買家追退款

193早前暗寸TVB節目是老人台，又和大台高層曾志偉隔空互窒，令他人氣急升，帶挈ERROR隊員甚至有份拍攝的《花姐ERROR遊》等節目再被熱炒。可是做藝人，言多必失，昨晚在連登鬧得沸沸揚揚，始於有網民在連登討論區開post，透露自己於今年1月在193經營的網店lilaboc.co付款買帽，不過因為未收到貨，分別於2月、8月向網店及193 IG查詢出貨及退款事宜，一直得不到回覆，最終選擇在網上公開聲討。

193經營的網店日前遭買家追退款。（圖片來源：193 IG） — 193經營的網店日前遭買家追討退款而引起隔空對罵。（圖片來源：193@IG）

193公開同買家退款對話：燒俾你

網店LILABOC隨即回應事件，更將inbox和該名買家處理退款事宜的截圖，放上IG即時動態，在截圖中，lilaboc.co的用字極之辛辣，包括「係咪唔識中文」﹑「一月入錢嚟做乜X」﹑「文盲」﹑「點知你用乜Account」﹑「定係燒俾你」。

樓主貼出多張入數後，曾多次DM 193及網店的訊息（圖片來源：連登討論區截圖） — 樓主貼出多張入數後，曾多次DM 193及網店的訊息，但未得到任何回覆。（圖片來源：連登討論區截圖）

買家公開事件 193終上水

樓主指一直得不到193及其網店回覆，故決定在連登討論區公開此事﹗事件即引起網上熱討，而193終「上水」解決此事﹗並與該買家在IG對話，對話中193指買家所訂的帽已注明上年 9 月30 日已截單，現在已沒有再出售該項貨品，而買家在 1 月初仍以 PayMe 形式付了319 港元，遂在回覆中以「係咪唔識中文」、「一月入錢嚟做乜X」、又稱對方文盲為回覆﹗而193更把這對話截圖放在網店IG即時動態﹗

網店公開和買家對話截圖，用字極不客氣。（圖片來源：LILABOC IG截圖） — 網店公開和買家對話截圖，用字極不客氣。（圖片來源：lilaboc.co@IG截圖）

問買家取戶口時，更留言「燒俾你？」（圖片來源：LILABOC IG截圖） — 問買家取戶口時，更留言「燒俾你？」（圖片來源：lilaboc.co@IG截圖）

（圖片來源：LILABOC IG截圖） — 193網店在IG即時動態公開頭象及指「呢個世界真係好多奇怪人」。（圖片來源：lilaboc.co@IG截圖）

ERROR近來人氣高企，193個人仍接落唔少品牌廣告﹗（圖片來源：193@IG）

網民要求公開道歉

LILABOC回應事件後，引發連登仔連開多個post聲討193，不但呼籲網民unfollow他的IG，甚至有人因為這件事而稱想重看TVB，又要求193就事件公開道歉，更表示「ViuTV努力咁耐，俾193一鋪搞掂」。不過有193的支持者就繼續撐偶像，指去年9月賣的衫，該買家竟然在今年1月才入錢，分明向偶像挑機。

繼續挑機網民：享受block人嘅快感

之後，LILABOC再就事件回應，言詞間繼續挑戰網民底線：「有個唔睇字嘅人，過咗三百蚊去我account，然後唔知幾耐之後再叫我退錢，已經好奇怪，唔知當呢度係ATM定點。再者，間舖冇營運咁耐，每日都99+request，我又唔係急住賺嗰少少錢，所以冇乜撳入去睇，應該來來去去都係問頂帽有冇現貨，tee size之類。然後條友上網話我呃錢？？？自己X咗然後公審我？鍵盤戰士再話返我公審佢？咩世界？我不嬲對住啲我唔鍾意嘅人都係冇禮貌，唔鍾意就唔好買囉，唔鍾意咪唔關注我囉，啲鍵盤戰士打幾隻字我又唔會痛嘅，我都幾享受block人嘅快感，你為咗我開個新Account，然後我用一秒又block咗，幾爽！」