17歲鍾柔美Grad Din大露背晚裝靚爆燈 另1靚女同樣唔輸蝕
鍾柔美Grad Din大露背晚裝顏值爆晒燈!
鍾柔美一身黑色露肩晚裝上陣,後面以露背示人配蝴蝶結設計,亭亭玉立,顏值爆晒燈!鍾柔美以英語感性表示寫道:「每一次結束都有一個新開始,很榮幸能和你們一起享受我最後的中學時光。」
網民見到鍾柔美愈大愈靚,星味十足,忍唔住大讚:「grad din都成個明星咁」、「Yumi一定係全場焦點」、「我都想有咁嘅女同學」、「跪求第二張圖手機入面張相」、「你同學仔會唔會太幸福」。
![17歲 鍾柔美 星味十足!(圖片來源:IG@yumichung1221)](https://imgs.weekendhk.com/wp-content/uploads/2024/07/yumichung1221_1720702343_3409820857412550653_4859082701_14308442006690ae475f7ac.jpg)
同場加映:Grad din靚相 Windy定係Yumi靚啲
同樣係《聲夢傳奇》出身的「After Class」成員詹天文(Windy)亦都係今屆中學畢業生,佢早喺一個月前亦分享Grad din的性感衣著,獲網民激讚!大家又覺得Windy定係Yumi靚啲?
![17歲 鍾柔美 Windy都好靚女呀!(圖片來源:IG@win_dy__)](https://imgs.weekendhk.com/wp-content/uploads/2024/07/win_dy___1718889660_3394614968938153086_44794457750_3212954396690afaaa7f71.jpg)
鍾柔美韓國舞室大騷實力舞功
鍾柔美在社交平台分享自己去咗韓國知名舞室「1 million」學舞,更開心大曬與知名編舞師的合照!鍾柔美仲大方分享練舞時的影片,片中她正與一眾學生在舞室展示連舞成果,而Yumi的舞功可謂十分紮實,唔單止零甩step,仲跳得有板有眼,認真搶fo!
![17歲 鍾柔美 鍾柔美日前分享去韓國知名舞室學舞嘅影片。(圖片來源:IG@yumichung1221)](https://imgs.orientalsunday.hk/wp-content/uploads/2024/05/-2024-05-20-11.36.04_201695942664ac56828042.png)
網民激讚鍾柔美可以做練習生
鍾柔美實力嘅舞姿同埋出眾嘅靚樣,亦令唔少網民激讚可以做練習生:「Yumi可以去韓國做練習生」、「Yumi 太 outstanding,好似喺度教其他人跳舞咁樣!」、「跳得咁好仲以為係練習生」、「從來都唔需要懷疑Yumi既勤力,旅行都不忘去練習」、「都係勁舞風格啱Yumi」
![17歲 鍾柔美 鍾柔美開心打卡韓國知名舞室「1 million」。(圖片來源:IG@yumichung1221)](https://imgs.orientalsunday.hk/wp-content/uploads/2024/05/-2024-05-20-11.10.58_1110127847664ac5aeaa099.png)
鍾柔美告別中學生涯迎戰DSE 青春無敵曬靚相獲粉絲like爆
現年17歲「聲夢小花」鍾柔美(Yumi)青春無敵!作為今屆DSE考生嘅佢,仲有1個多月就要考試。Yumi在社交平台上分享了自己中學生涯的最後一天,照片中可見她的校服恤衫上滿滿的祝福語,展現出濃厚的青春氣息!
Yumi畢業感慨:好快就要踏入另一個旅程
Yumi上載了自己在學校操場的打卡照片,以及學校走廊、課室門牌的照片,並感慨地寫道:「轉眼間就6年啦,中學生涯完成,好快就要踏入另一個旅程」。粉絲們也在留言中為她加油打氣,「Fans 留言:贈你一句萬千感觸在心頭」「Yumi祝你考完DSE,考到心儀的大學」 「有點不捨」「畢業快樂,DSE加油」 「校服寫字真青春」「開展新旅程加油呀」
Yumi透露想升讀呢間大學
Yumi在中學期間主修商科,並曾透露她希望留在香港升讀大學,主修工商相關科目。她曾在中五時取得全班第一名的佳績,被媒體冠以「學霸」的稱號。
鍾柔美清純可愛 一出道獲稱「翻版鍾嘉欣」
現年17歲鍾柔美(Yumi)童星出身,自2015年已經參演不同TVB劇集,包括《城寨英雄》、《平安谷之詭谷傳說》以及《親親我好媽》等等,與陳展鵬、陳凱琳與李佳芯都有合作過,細細個已經有好多演藝圈經歷。參賽後因樣子甜美向來有「小鍾嘉欣」之稱,她在《聲夢傳奇》中表現亦非常突出,比賽中以跳唱演繹郭富城歌曲《狂野之城》令人深刻,跳唱能力算在團隊中最強的成員。一出道當時依然有啲Baby Fat,但依然無損其魅力。
總決賽造型搶眼 高分落敗超可惜
Yumi在《聲夢傳奇》中表現非常突出,在總決賽渾身解數,選唱了郭富城《第四晚心情》,衛蘭、蘇永康等都讚她有進步、自信咗。雖然Yumi在總決賽取得17盞綠燈,但依然不敵炎明熹、Chantel,僅獲得第三名。
![17歲 鍾柔美 Yumi在總決賽選唱了郭富城《第四晚心情》,又唱又跳,大騷修長美腿。(圖片來源:TVB)](https://imgs.orientalsunday.hk/wp-content/uploads/2021/07/03_130239657360f58563e03dd.jpg)
8歲已經入女團 踩過界做埋TVB童星
事實上,Yumi未參加《聲夢傳奇》之前就已有豐富的女團表演經歷,她是家燕媽媽藝術中心的畢業生,於8歲的時候加入過薛家燕旗下女團Honey Bees,並隨隊走埠過馬來西亞、澳門、廣州等地登台表演,之後她10歲時又與6位女生組成過A Little Bit Shy,現時After Class已經是她加入的第三個女團,難怪有如此紮實的跳唱功力!除此之外,Yumi亦曾經在TVB做過童星,出演過劇集《城寨英雄》、《平安谷之詭谷傳說》以及《親親我好媽》等等,與陳展鵬、陳凱琳與李佳芯都有合作過,細細個已經有好多演藝圈經歷,前途無可限量。
鍾柔美越大越靚 經常露腰曬長腿勁吸睛
出道兩年,Yumi不但越大越靚,身材高挑的她經常在社交網站派福利曬長腿。熱愛跳舞的Yumi經常在社交平台上傳跳舞短片,身形fit到漏的穿上露腰上衣熱褲一邊大騷長腿,一邊扭着腰擺動身體跳韓國女團NewJeans、BLACKPINK、Fifty Fifty等歌曲,架勢絕不輸一班KPOP偶像。
![17歲 鍾柔美 Yumi經常在社交平台大曬長腿!(圖片來源:IG@yumichung1221)](https://imgs.orientalsunday.hk/wp-content/uploads/2023/12/image-7787616_180119127065813ed7f0453.jpeg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!