10萬粉絲撐開Live唱歌 王卓淇玩腳趾吸客
廣告
連無綫都因為有歌手確診新冠肺炎而要封城，有米小花王卓淇冇工開留家抗疫有乜好做？平時已經露胸露腰影勻全屋每個角落，悶悶哋開Live唱吓歌，都竟然有10萬粉絲支持，近日再騷吓腳板同腳趾，粉絲人數升完又升！
無綫花旦王卓淇留家抗疫，都不忘晒靚相派福利，日前佢就以一字肩碎花裙上陣，露膊兼大晒白滑長腿，就連腳板同腳趾都玩埋，真係畀個服字佢，另一輯相仲玩埋「變髮」駁上長金色假髮，新造型帶畀網民無限新鮮感。
歌癮發作歡迎點歌
除咗露上癮鍾意甫相，王卓淇亦鍾意大騷才藝，不時拍片「開金口」獻唱冧粉絲，日前歌癮大發，索性開直播叫粉絲點唱：「很久沒直播唱歌給大家聽了…歌癮發作…歡迎來點歌 一起玩呀～～」喺直播入面佢大唱《野孩子》、《囍帖街》等舊歌，亦有唱較新的《呼吸有害》，唔少網民都話估唔到佢除咗有樣有身材，歌藝都有出色表現，短短嘅100分鐘直播，最終吸納咗10萬人收睇，不過大家都應該好失望，因為佢堅係唱歌，冇騷body囉！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
資料或影片來源：原文刊於東方新地
