黑色月光｜林夏薇計到盡「偷精」搏生仔 曾停工等孕到因1事終告吹

黑色月光｜林夏薇計到盡「偷精」搏生仔

林夏薇在劇中因商業聯姻嫁畀蔣基俊（馬志威飾），林夏薇於昨晚（31日）播出嘅第4集中，為咗得到馬志威嘅歡心，及想早日為卓家生B鞏固地位而色誘馬志威。不過以低胸吊帶睡裙火辣上陣嘅林夏薇就慘遭滑鐵盧，即使大賣性感都得唔到馬志威嘅歡心！

雖然色誘失敗，但係林夏薇就繼續出招，更於第8集收買「粗口港姐」梁允瑜，要求佢色誘馬志威並收集精液，兼交畀林夏薇用來進行人工受孕，劇情十分勁爆！

林夏薇收「最後通牒」曾停工等孕到

現年37歲嘅林夏薇於2015年嫁隱形富豪莫贊生（Jason），婚後莫贊生錫到佢燶，除咗進駐15億山頂獨立屋之外，仲獲打本做生意。不過2017年就傳林夏薇收到老公的「最後通牒」，要盡快為莫家繼後香燈，更盛傳「生一個獎一億」！因此林夏薇最終答應拍埋《十二傳說》就停工等孕到，仲keep住睇中醫調理，希望可以一擊即中！

林夏薇被批有望生龍鳳胎

2018年林夏薇為新劇《逆緣》做宣傳，活動上麥玲玲師傅為眾人測字指點迷津，林夏薇以「明」字問添丁，麥玲玲指她當年報喜機會高，更可能懷上龍鳳胎，她即場開心回應：「希望承師傅貴言，龍鳳胎梗係好。我哋好鍾意小朋友嘅，好想生3個，不過都要睇緣份，我同老公各有各忙，見都冇時間，好似同屋主，所以我拍完《十二傳說》後會休息一段時間，可以多啲陪屋企人。」林夏薇所講的停工是指不再接劇，即使陀B成功，亦會照樣接其他工作及打理食店生意，不過一切都以生仔行先。

林夏薇因1事等孕到告吹

林夏薇嘅堂哥林峯2020年榮升做爸爸，而努力造人嘅林夏薇受訪時就再被問及生B計劃，不過佢就表示「順其自然」。皆因林夏薇發現即使休息1年仍發現自己很忙，未必可以預留時間畀小朋友，似乎生B計劃己擱置。