41歲黎諾懿細仔出世重7磅似足哥哥 太太李潔瑩封肚唔追女

文：東方新地｜圖：黎諾懿提供及李潔瑩IG

細仔花名「小冬牛」

喺今日較早時間，黎諾懿先在IG分享「一家四口」的太太孕肚全家福，豈料到咗晚上，黎諾懿就宣布細仔出世，太太潔瑩在半山嘉諾撒醫院開刀為他誕下了愛兒，重7磅，母子平安。黎諾懿受訪時表示：「始終第二次啦，其實就冇咁緊張嘅！佢一出世個樣同小春雞細個個樣一樣㗎！我估佢大個都會好似哥哥個樣。同埋佢個乳名叫做『小冬牛』囉！（小冬牛嘅意思係？）大仔就叫做『小春雞』，因為係春天出世嘅雞（生肖），『小冬牛』，冬天出世嘅牛（生肖）！」雖然之前黎諾懿打算湊成一個好字追個女，不過黎諾懿就兩個夠晒數喇，老婆亦準備封肚喇！

試盡中西「造人」秘方

黎諾懿於2014年11月11日與李潔瑩（Nicole）結婚，3年後囝囝出世，成為新手爸爸的黎諾懿不時在社交網大晒與兒子「小春雞」的溫馨父子互動，不經不覺「小春雞」現時已有四歲大，據知近年黎諾懿嘗試過不少中西「造人」秘方，但就拒絕人工受孕，最後順利為「小春雞」再添一個弟弟！

懷孕期間極小心處理

當時已踏入38歲陀上第二胎時非常小心，因怕BB「小器」，所以黎諾懿對身邊朋友一律保密，只曾向家族中成員報告喜訊。即使Nicole和朋友們為黎諾懿預祝生日時，就被指面形明顯變得圓潤、腰肢亦變得較粗，而且全程滴酒不沾，也拒食生冷食物。

全天候陪太太待產

相隔四年才成功陀上第二胎，黎諾懿對太太這次懷孕十分小心，據知他原定將於下月返內地拍攝網絡大電影，但為了照顧太太，決定全面停工，全天候陪伴在太太身邊待產。