黎耀祥VS梁朝偉惹網民討論 視帝被批氣場輸蝕：做唔到一代宗師
59歲黎耀祥 VS 61歲梁朝偉 網民讚演技好啲係佢
影帝梁朝偉拎咗《第80屆威尼斯電影節》終身成就金獅獎後，成為唔少網民熱討的對象。但竟然有網民喺討論區出post，發起「只講演技，有冇人覺得黎耀祥x打梁朝偉？」的討論，列舉3大理據。首先認為黎耀祥咩角色都carry到，又指「柴九同豬八戒成就理應超越梁朝偉，當年呢兩套都係好x hit，可惜生不逢時」。
網民：梁朝偉拍笑片麻麻
其次又認為梁朝偉拍唔到黎耀祥啲角色「梁朝偉拍唔拍到生化壽屍嗰種x街」「流氓無賴角色 梁朝偉輸幾皮啦」「起碼唔覺得梁朝偉做到豬八戒同韓信」最後覺得梁朝偉拍笑片麻麻「梁朝偉做笑片真係唔掂，好格硬」更有網民認為梁朝偉其實真係吹大咗等，討論引起唔少人的負評，笑言只有做基層角色係真係咩角色都carry到。
黎耀祥氣場輸蝕 網民：唔會演到一代宗師
網民就認為黎耀祥演技普通，而且氣場都係一般，指佢喺黃秋生、湯鎮業面前即刻變返3、4線藝人「黎耀祥無主角樣」「完全唔同水平，冇得比」「梁朝偉演笑片都好好睇」「先唔講戲路多係咪等於演技好，掉翻轉黎耀祥都唔會演到周先生同易先生」「黎點都做唔到一代宗師掛」「黎耀祥做市井之徒，小人物最啱佢，同梁朝偉比真係爭太遠，睇下一代宗師個種氣場… 就算尚氣唔出聲一個眼神就贏你九條街」其次有網民認為黎耀祥自從演完「柴九」之後就返唔到轉頭「以前佢仲演電影嗰陣覺得佢好戲，但條演完柴九之後套套都係柴九嚟」
《巾幗4》終於開拍 柴九CP回巢救收視
由黎耀祥、鄧萃雯主演的《巾幗梟雄》系列當年紅遍電視劇，近年亦多次傳出將會開拍《巾幗梟雄4》，不過有傳曾經因為投資方突然撒資加上疫情影響開拍日期，令《巾幗梟雄4》一度開拍無望。今次時隔7年終於開拍經典神劇《巾幗梟雄》第4輯，令一班「柴九CP」粉絲都表示非常期待。
《巾幗梟雄4》劇情講乜？24字故事大綱曝光
過去《巾幗梟雄》第一至第三輯都有動蕩的時代背景，今輯由張華標重掌劇本，令人關注故事以哪個時代作背景，當中可能牽涉重大場面，而無綫也在資料中披露了24字故事大綱，不但預告了全劇集數，故事背景似乎與抗戰年代有關係：
商戰風雲，崢嶸歲月
抗戰時代，亂世烽煙
氣勢磅礡，血脈賁張
三十集史詩式長劇
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
