黎明與警方合作 愚人節教大家防騙：我邊會拎到金像獎呀？
廣告
今日係4月1日愚人節，唔少朋友都會同身邊人開玩笑，而香港警方今日亦在Facebook發布宣傳片段，提醒市民小心騙案，片中更有金句王黎明演出！
撰文：新假期｜圖片：香港警察 Hong Kong Police
「黎明」喺內地畀富婆操控
「我係黎明，我喺內地畀富婆操控，逼我拍劇，唔該你用網上過數嘅方法畀我，當係贖金，畀我脫身返嚟香港參加金像獎。」片段講述一名女子收到自稱係黎明的錄音，指自己於內地被富婆操控，要求女子過數贖佢回港參加金像獎。真係咁都得？
贖金救黎明返香港參加金像獎
肥仔騙徒現身
「黎明」真身其實只係一個肥仔騙徒，錄音結尾佢仲講到返嚟攞咗金像獎及獎金後，都可以送晒俾你。聽落幾吸引喎！
黎明自嘲：「我邊會拎到金像獎呀？」
片尾黎天王終於出場！原來佢成為騙徒下一個目標，聽到假扮自己的錄音時，直言「真係當我慒仔魚呀？」之後又發揮金句王本色自嘲一番：「我邊會拎到金像獎呀？」爆笑！
防騙易熱線「18222」
警方指，反詐騙協調中心在過去的18個月，已成功攔截受騙的金額高達17億港幣。如黎明所呼籲，「如果懷疑自己做咗慒仔魚嘅」，要致電防騙易熱線「18222」！
睇片：
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
