5大 黎明金句 逐句數「將1個回憶放喺data base入面。」
廣告
人氣爆燈嘅黎明，之前的30週年演唱會雖然有好多波折，幾乎開不成show，但誠意搭夠，即使有delay和音響問題，觀眾、fans一樣like爆，甚至有觀眾叫他出來選特首！「 黎明金句 王」這稱號絕非浪得虛名，今次演唱會一樣咁多金句！一起細味他的金句吧！
tex：betsy photo：新傳媒
5大 黎明金句 逐句數
1. 「將1個回憶放喺data base入面。」
嘩！黎天王咁sweet，點可以唔將你放入data base入面？
2. 「廣東粗口有啲係好難聽，但英文就冇事，可能你慣英文粗口教育，國語廣東話韓文都有粗口，有啲特別情況下冇辦法解釋自己，你就要加個字落去，冇人會怪你。」
演唱會中，有觀眾要求和黎明握手，但他拒絕了，說：「我唔介意逐個逐個握手，但問題係第1日冇握，今日就唔可以握手！你今日返屋企會開心諗：『I am very爽，握咗手！』但前面(前幾場)嘅人就會諗：『Oh sxxt， I am very bad，點解我唔買這場。』」口快快講咗句粗口，黎明即刻金句王上身，講自己對粗口嘅睇法。的確，講粗口都係情緒抒發的1種！
3. 「每日都好多謝天公造美，感激上天帶我哋嚟到呢個地球，令我哋有緣，互相接觸到、互相了解到彼此承諾，其實每個人生活喺不同地方，生活習慣、性格，大家唔同，上天、上帝俾大家不同思想、想法存在，所以好感謝我哋有呢個緣分，無論邊個賜俾我，我都好珍惜，聽日都會留喺呢個思想裏面。」
黎天王呢句金句好感性，今次真係長知識了！
4. 「我從來唔覺得除衫係鹹濕！除衫是很簡單的事，你除1件，我除1件。OK！除就除，驚你呀？」
全場歌迷聽完呢句，仲唔狂叫「除衫」？黎天王最後真係除咗，好正吖喂！
5. 「其實好多內地朋友都識聽廣東話，不如都係講番廣東話啦！」
黎天王喺演唱會一出場就話要講廣東話，作為香港人當然拍爛手掌！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
